• Әхбаратлар еқими
  • 17 Қыркүйек, 2020

Бухарестта Абайниң ядикарлиғи орнитилди

Һәммимизгә мәлум, бийил қазақ хәлқиниң улуқ шаири Абай Қунанбаевниң 175 жиллиғи кәң нишанлиниватиду. Мана мошу сәнәгә беғишланған чарә-тәдбирләр елимиздила әмәс, шундақла дунияниң нурғунлиған дөләтлиридә өткүзүлүватиду.
Өткән һәптидә Румынияниң пайтәхти Бухарестта Абайниң ядикарлиғи тәнтәнилик рәвиштә ечилди. Униңға Румыниядики Қазақстан әлчиханиси вә Л.Гумилев намидики Евразия университети тәшәббускар болди. Ядикарлиқниң муәллипи – Евразия миллий университетиниң профессори, атақлиқ һәйкәлтараш Талғат Анарбеков болди.
Мәзкүр чарә-тәдбиргә Румыния парламентиниң депутатлири, җәмийәт әрбаплири, шу әлдики чәтәллик әлчиханиларниң вәкиллири, журналистлар қатнашти. Тәнтәнини киришмә сөз билән ачқан әлчи Нурбах Рустемов Абайниң 175 жиллиғиға даир ечилған ядикарлиқ Қазақстан вә Румыния хәлиқлииниң өзара һөрмити, һәмкарлиғини билдүридиғанлиғини вә униң яш әвлатни тәрбийиләштә үлгә болидиғанлиғини тәкитлиди. Шундақла Абай иҗадийитиниң Шәриқ вә Ғәрип әллири мәдәнийитиниң умумий мәнивий байлиғи екәнлигини қәйт қилди. Униңдин кейин сөз алған парламент депутатлири палатисиниң вице-спикери, Қазақстан – Румыния парламентара достлуқ топиниң рәиси Флорин Иордаке вә Мәдәнийәт министрлигиниң кативи Михай Фирика улуқ шаирға ядикарлиқ орнитиш Бухарест шәһиридики тарихий вақиә, Қазақстан хәлқигә болған һөрмәт екәнлигини алаһидә тәкитлиди.
Тәнтәнә давамида Абайниң «Қара сөзлирини» румын тилиға тәрҗимә қилған лингвист Антоанета Олтяну шаирниң һаятиға вә иҗадийитигә тәпсилий тохтилип өтти. Гөдәкләр болса, Абайниң шеирлирини ядқа оқуп нахшилирини ейтип бәрди. Бу күни шундақла, меһманлар диққитигә румын тилиға тәрҗимә қилинған Абайниң «Қара сөзлири», Қазақстанниң Тунҗа Президенти Н.Назарбаевниң «Болашаққа бағдар: рухани жаңғыру» вә «Ұлы даланың жеті қыры» һәм Президент Қ.Тоқаевниң бийил 1-сентябрьда Қазақстан хәлқигә йоллиған Мәктүби вә башқиму имджлиқ материаллар тәвсийә қилинди.

57 рет

көрсетілді

0

пікір
Алдыңғы мақала «Етиз мәликиси» жиғиштурулуватиду
Келесі мақала Абайниң домбыралири қәйәрдә сақлақлиқ?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы