• Әхбаратлар еқими
• 06 Мамыр, 2021

Вакцинилаш графиги өзгәрди

Қазақстан Җумһурийити Баш санитарлиқ врачиниң 30-апрельдики тохтамиға мувапиқ «Спутник V» вакцинисини селиш графигиға өзгириш киргүзүлди.
Мәзкүр вакцининиң биринчи вә иккинчи компонентлирини селиш арилиғи 45 күнни тәшкил қилиши керәк. Әнди иккинчи компонентни 45-күндә селиш мүмкин болмиған әһвалда (дәм елиш, мәйрәм күнлиригә тоғра келип, башқа аһалилиқ пунктқа кетип қалғанда в.һ.), уни 90 күн ичидә селивелишқа болиду.
 Қазақстан Җумһурийитиниң «Миллий җәмийәтлик саламәтликни сақлаш мәркизидә» вакцина селиш графигиға мунасивәтлик мундақ чариниң Гамалея намидики Миллий эпидемиология вә микробиология илмий тәтқиқат мәркизиниң мудири Александр Гинцбургниң бийил 22-апрельдики рәсмий билдүрүшигә асасланғанлиғини чүшәндүриду.
Вакцинология принциплири вакцинилашниң көп дозилиқ дәсләпки түркүмидә алтә һәптилик арилиқни сақлайду. Униңдин ташқири асасий вә қошумчә дозилар оттурисидики хелә узақ арилиқ В-хатирә һөҗәйрисиниң (клеткисиниң) йетилишиға имканийәт яритиду, бу болса, иммунитетниң жуқури вә турақлиқ болушиға елип келиду. 
 Бир қетимлиқ дозидин кейин башқа көп дозилиқ вакциниларни селиш тәҗрибиси һимайиниң алтә ай вә униңдин узаққа созулидиғанлиғини көздә тутиду. Әнди таҗсиман вирусқа қарши вакцинилар бойичә илмий тәтқиқатлар давамлишиватиду. Униң нәтиҗидарлиғи бойичә испатлиқ асас елинишиға қарап, қошумчә тәвсийәләр берилиду. 
 Таҗсиман вирусқа қарши аммивий вакцинилаш жүргүзүлгән пәйттин тартип дунияниң нурғунлиған әллиридә таҗсиман вирусқа қарши башқа вакциниларға мунасивәтлик мундақ әмәлият қоллиниливатиду.
 Һазир Британия елинған илмий мәлуматлар асасида Оксфорд университети вә AstraZeneca компаниясиниң Pfizer билән биллә BioNTech вакциниси үчүн вакцинилаш планини өзгәртти. Әгәр илгири иккинчи дозини 21 күндин кейин селиш планланған болса, әнди һазир униң арилиғи үч айғичә узартилди. Франциядә 2021-жилниң 14-апрелидин тартип мРНК вакцинисини (BioNTech/Pfizer вә Moderna компаниялири) селиш алтә һәптигичә узартилди. Илгири арилиқ төрт һәптини тәшкил қилатти. Ирландия саламәтликни сақлаш министриниң рәсмий мәлуматиға қариғанда, вакцининиң биринчи вә иккинчи дозилири оттурисидики арилиқни төрт һәптидин хелә узақ, он икки һәптигичә көпәйтиш планлиниватиду. Украина саламәтликни сақлаш министрлиги Экспертларниң миллий техникилиқ топиниң тәвсийәси бойичә CoviShield вакцинисиниң икки дозисиниң арилиғини 28 күндин 90 күнгичә көпәйтти.
 Шундақ қилип, таҗсиман вирусқа қарши вакциниларниң нәтиҗидарлиғини үгиниш бойичә пүткүл дуниядин елинған илмий тәтқиқатлар мәлуматлири вә таҗсиман вирусқа қарши вакцинилаш әмәлияти икки дозилиқ вакцининиң биринчи дозисиниң COVID-19 вируси билән ағриш әһваллирини қисқартишта иҗабий нәтиҗә бәргәнлигини көрсәтмәктә.