• Әхбаратлар еқими
• 06 Мамыр, 2021

Хәйрихаһлиқ акция башланди

Елимиздә Тунҗа Президент Нурсултан Назарбаевниң тәшәббуси билән «Елбасы жылуы» («Елбасы сидқидиллиғи») хәйрихаһлиқ акцияси өтүватиду.
Акция даирисидә Нурсултан Назарбаев Фонди вә «Дегдар» Хәйрихаһлиқ фонди муһтаҗ болуватқан қазақстанлиқларға озуқ-түлүк вә биринчи новәттә лазим болидиған товарлар түридә ярдәм көрситиду. 
Мәсилән, йеқинқи күнләрдә Маңғыстав, Шәрқий Қазақстан, Ақмола, Шималий Қазақстан, Алмута вә Түркстан вилайәтлиридин 681 аилә шундақ ярдәм алиду.
 Ярдәм һал-оқити төвән, шундақла нака балилири бар вә Улуқ Вәтән урушиниң ветеранлири яшаватқан аилиләргә берилиду. Һәрбир аилә ун (25 кг.), яңию (25 кг.), мевә, гүрүч, гречиха ярмиси, чай, қәнт, суюқ май, тазилиқ васитилири бар, жәми 132 килограммлиқ хәйрихаһлиқ ярдәмгә егә болиду.
«Дегдар» фондиниң мудири Лаура Ахметованиң тәкитлишичә, муһтаҗ болуватқан гражданлардин чүшкән мураҗиәтләр тәһлил қилинди, товарларниң сетивелинип, тегишлик җайларға йәткүзүлүши тәминләнди.
– Биз изгү ишларниң кәңийип, башқилар тәрипидин қоллап-қувәтлинидиғанлиғиға ишинимиз. «Елбасы жылуы» акциясиниң башқа тәшкилатлар үчүн үлгә болидиғанлиғиға үмүт қилимиз, – дәйду Лаура Ахметова.