• Әхбаратлар еқими
• 16 Наурыз, 2024

Қош гезәкләр Олимпиадиға бариду

Италияниң Бусто-Арсцио шәһиридә бийил Парижда өтидиған язлиқ Олимпиада оюнлириға бокстин дәсләпки лицензиялик дуниявий турнир аяқлашти. 
Мәзкүр мусабиқиниң йәкүнлири бойичә Қазақстан талланма командиси Олимпиадиға йәттә лицензия йеңивалди. Мәлумки, булту язлиқ Азиада оюнлирида Қамшыбек Қоңқабаев (+92 кг.) вә Карина Ибрагимова (57 кг.) лицензия алған еди. Әнди Италиядә өткән турнирда Нурбек Оралбай (80 кг-ғичә), Айбек Оралбай (92 кг-ғичә), Асланбек Шымбергенов (71кг-ғичә), Махмут Сабырхан (57 кг-ғичә), Сакен Бибосынов (51 кг-ғичә) Олимпиада лицензиясини алди. Тәкитләш лазимки, Қазақстан командисида қош гезәкләр, йәни Айбек билән Нурбек Оралбайлар Олимпиадида һүнәр көрситиду. Бу тарихта дәсләпки қетим болуватқан вақиә екән.
  Әнди иккинчи дуниявий лицензиялик турнир 23-баһар 5-сәпәр күнлири арилиғида Таиландта өтиду.Бу турнирда әрләр арисида 63,5 килограмм салмақ дәриҗисидә қазақстанлиқ боксчиларға лицензия елишниң йәнә бир пурсити бар. Мошу салмақ дәриҗисидә Италиядә рингқа чиққан Мухаммедсабыр Базарбайлы йеңилип қалған еди. Шундақла қизлар арисида 50, 54, 60, 66, 75 килограмм салмақ дәриҗилиридә лицензия елиш вәзиписи туриду.