• Әхбаратлар еқими
• 20 Наурыз, 2024

Меморандум имзаланди

Сешәнбә күни Шәкен Айманов намидики «Қазақфильм» киностудиясидә мәзкүр киностудия билән «Nomad» хәлиқара кәспий каскадерлар топи билән һәмкарлиқ тоғрилиқ меморандум имзаланди. 
Йолдаш МОЛОТОВ,
«Uiğur avazi»

 Тәкитләш лазимки, «Nomad» кәспий каскадерлар топи 2000-жили ҚҖ хизмәт көрсәткән әрбаби, киноларда қийин қоюлумларни сәһниләштүргүчи Жайдарбек Кунгужинов тәшәббуси билән тәшкил қилинған. Мошу жиллар ичидә «Nomad» каскадерлири дунияда аммибаплиққа айланған «Мулан», «Томирис», «Путь домой», «Неудержимые-2», «Конан варвар», «Мың бала», «Тобол» вә башқиму фильмларни чүширишкә қатнашқан. Улар дуния кинематографиясиниң юлтузлири Киана Ривз, Колин Фарелл, Сирша Ронан, Самюэль Л Джексон, Натали Портман, Лю Ифэй, Шон Бин, Джет Ли охшаш актерлири билән ишлиди.
 Әнди меморандумниң имзалиниши миллий кинематография үчүн муһим вақиә болуп, бу саһаниң тәрәққиятиға сүръәт беридиғини ениқ.