• Әхбаратлар еқими
• 18 Сәуір, 2024

Мәйрәмлик соға

Йеқинда Талғир наһийәси Гүлдала йезисида «Al-Rosa» ширкитиниң мудири Шөһрәт Қурбанов билән «Назугум» топиниң әзалири бирликтә имканийити чәкләнгән балилар вә уларниң ата-анилириниң көңлини алди. 

Мәшүр САСИҚОВ,
«Uiğur avazi»
 
 «Гөзәл» кафесиға жиғилған балиларниң хошаллиғида чәк йоқ. Улар имамниң дуа-тәгбиридин кейин меһманлар һөрмитигә йейилған кәң дәстихандики назу-немәтләрдин еғиз тәгди. Андин Талғир наһийәлик Уйғур этномәдәнийәт мәркизиниң рәиси Мәрүпҗан Рәһманов, Гүлдала йезисиниң баш жигитбеши Азат Қурбанов вә наһийәлик ханим-қизлар кеңиши рәисиниң орунбасари Гүлбанум Бақиева сөзгә чиқип, изгү нийәт билән хәйрихаһлиқ көрситиватқан шәхсләргә миннәтдарлиқ билдүрди. Болупму Шөһрәт Қурбанов билән җәмийәтлик ишларниң активисти «Назугум» топиниң әзалириниң әмгигини жуқури баһалап, уларниң ишиға утуқ тилиди. Шундақла бу күни «Назугумниң» әзалиридин Майгүл Оләсәнова билән Римма Абдуллаева җумһурийәтлик Уйғур этномәдәнийәт мәркизи йенидики «Нураний анилар» фонди тәсис қилған «Ақ нийәт» медали билән тәғдирләнди.
Шуниңдин кейин новәт балиларға берилди. Улар уюштурғучилар тәрипидин алаһидә тәклип қилинған аниматорлар билән көңүл көтәрди. 
Мәрасим ахирида балиларға соғилар тарқитилди.