• Мәшъәл
• 18 Сәуір, 2024

Ағриқниң алдини елишқа болиду

Тәкитләш лазимки, елимиздә 18-норузда пилотлиқ режимда өз әрки билән ставкиларға қатнишиш вә доға тикиштин ваз кечиш бойичә онлайн-хизмәт ишқа қошулди. Туризм вә спорт министрлигиниң мәтбуат хизмити бәргән малуматлар бойичә, 2024-жил 1-үмүткә қәдәр, «eGov mobile» қошумчиси арқилиқ 7000 адәм хумарлиқ оюнлардин өз әрки билән ваз кәчкән. «Мәзкүр хизмәттә әризини қәғәз арқилиқ бәргән әризигә қариғанда тез әмәлгә ашурулиду. Демәк, оюнхумарлиққа берилгәнләрниң өз әрки билән оюнларға қатнишишини тез тохтитишқа ярдәм бериду. Әнди оюнхумарлиққа берилгән шәхсниң өзи рәсмий тиркәлгән оюнханиларға вә лицензияси бар букмекерлиқ идариләр сайтлириға киришини дәрһал мәнъий қилалайду», деди туризм вә спорт министриниң орунбасари Мирас Тулебаев. 
 Министрлик вәкиллириниң ейтишичә, хумарлиқ оюнлиридин өз әрки билән ваз кечиш үчүн әризә «eGov mobile» қошумчисида шәхсий электронлуқ рәқәмлик имза арқилиқ берилиду. Бу әризини үчинчи шәхсләр берәлмәйду. Униңдин ташқири халиғучилар, мошундақ әризини қәғәз түридиму берәләйду. Мошу хизмәтни бу күнгә қәдәр 3000 адәм қолланған.