• Асасий мақалилар
  • 13 Мамыр, 2021

Мустәқиллигимизниң мустәһкәм таянчиси

Өткән пәйшәнбә күни, Вәтән һимайичиси күни һарписида «Ақордида» алий һәрбий вә мәхсус унванларни, класслиқ дәриҗиләрни тапшуруш мәрасими болуп өтти. Бирқатар һәрбий хизмәтчиләр вә һоқуқ қоғдаш органлириниң хадимлири орден-медальлар билән мукапатланди.
Қасым-Жомарт Тоқаев чарә-тәдбир қатнашқучилирини Вәтән һимайичиси күни вә Ғалибийәт күни билән тәбрикләп, хәлқимизниң қәһриманә әнъәнилириниң рәмзи болуп һесаплинидиған һәр икки мәйрәмниң бийил Мустәқилликниң 30 жиллиғи жили даирисидә нишанлиниватқанлиғини әслитип өтти.
– Территориялик пүтүнлүк вә йеримиздики течлиқ –суверенитетимизниң алий қәдрийәтлири. Бу қәдрийәтләрни бизниң Қураллиқ күчләр һимайә қилиду. Мустәқиллик жиллирида Тунҗа Президент – Елбасы Нурсултан Әбишоғли Назарбаев түпәйли биз дөлитимизниң күчлүк мудапиә системисини вуҗутқа кәлтүрдуқ, армияни тәминләп, һәрбий хизмәтчиләрниң җәңгиварлиқ роһини көтәрдуқ вә уларниң кәспий маһаритини ашурдуқ. Бүгүнки күндә армия – бу мәмликәтниң пухта қорғини, мустәқиллигимизниң мустәһкәм таянчи, – дәп тәкитлиди Президент.
Дөләт рәһбириниң тәкитлишичә, Қазақстан – течлиқ вә турақлиқни халиғучи әл, амма дунияда көпийиватқан тоқунушлар шараитидиму миллий мәнпийәтләргә ховуп туғдуридиған һәрқандақ иш-һәрикәтләргә қарши туралаймиз.
– Экспертлар чоң дөләтләр оттурисидики һазирқи қариму-қаршилиқни соғ мунасивәтләр уруши жиллиридики вәзийәткә тәңләштүрүшкә болиду, дәп һесаплайду. МДҺ әллиридә, җүмлидин бизгә хошна мәмликәтләрдә тоқунушлар пәйда болуватиду. Кона даваларға йеңилири қошулуп, вәзийәт начарлишиватиду, мана мошу әһвал бизни тәшвишләндүриду. Шуңлашқа биз хатирҗәм болмаслиғимиз керәк, миллий бехәтәрлик ишида төмүрдәк интизам лазим. Армия вә барлиқ һәрбий қурулумлар һәрқачан ташқи ховупларни қайтурушқа тәйяр болуши шәрт, – дәп билдүрди Қасым-Жомарт Тоқаев.
Дөләт рәһбириниң атап көрситишичә, елимизниң мудапиә қудритини ашуруш үчүн җәңгиварлиқ тәйярлиққа вә Қураллиқ күчләрни тәминләшкә җиддий диққәт бөлүнмәктә. Әскәрләр қурал-ярақ вә һәрбий техникиниң әң заманивий үлгилири билән турақлиқ тәминлиниватиду. Һәрбий хизмәтчиләр вә һоқуқ қоғдаш органлириниң хадимлири иш һәққиниң вә уларни иҗтимаий һимайә қилиш дәриҗиси басқучлуқ өсүватиду. Қисқиси, һәрбийләрни қоллап-қувәтләш һәрқачан дөләтниң муһим йөнилиши болуп қалиду.
Президент мәмликәттә һаятини Вәтәнгә хизмәт қилишқа беғишлиған кәспийләрниң аз әмәс екәнлигини тәкитлиди. Униң сөзигә қариғанда, бу қетимқи тәбрик мәрасими барлиқ һәрбий хизмәтчиләр билән һәрбий қурулумлар хадимлириға болған сәмимий һөрмәтниң көрүнүши болуп һесаплиниду.
– Яшлиримиз силәргә тәңлишиду, улар үчүн силәрниң әрлигиңлар вә вәтәнпәрвәрлигиңлар үлгә болуп хизмәт қилиду. Бу қетимқи жуқури дөләт мукапатлириниң Вәтәнгә нуқсансиз хизмәт қилиш үчүн силәргә йеңи күч-қувәт бәхш етидиғанлиғиға ишинимән, – дәп тәкитлиди Дөләт рәһбири.
Қасым-Жомарт Тоқаев барлиқ һәрбий хизмәтчиләр билән Һоқуқ қоғдаш органлириниң хадимлириға вижданлиқ хизмити үчүн миннәтдарлиқ билдүрди. Мәрасим давамида айрим һәрбий хадимларға алий һәрбий вә мәхсус унванлар, класслиқ дәриҗиләр тапшурулуп, бирқатар һәрбий хизмәтчиләр вә һоқуқ қоғдаш органлириниң хадимлири орден-медальлар билән мукапатланди.

 

9963 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы