• Асасий мақалилар
• 27 Сәуір, 2022

1-май — Қазақстан хәлқи бирлиги күни

1-Май – Қазақстан хәлқи үчүн әң иллиқ вә парлақ мәйрәмләрниң бири, йүздин ошуқ милләт вә еләт вәкили яшаватқан мәмликәткә зөрүр болған достлуқ, өзара чүшәнчә вә разимәнлик мәйрими. 
Һәқиқәтәнму қазақстанлиқларниң чоң вә инақ аилисиниң тәркивигә қазақлар, руслар, украинлар, өзбәкләр, уйғурлар, татарлар, қирғизлар, корейлар, немислар, туңганлар вә башқиму көплигән милләтләр кириду. Течлиқта қатар яшаватқан уларниң һоқуқлири мәмликәтниң Асасий Қанунида ениқ әкис етилгән. Шуңлашқа көпмилләтлик җәмийәтни «Биз – Қазақстан хәлқи» дегән аддий вә чоңқур мәнаға егә сөз билән чүшәндүримиз.
Мана мошу достлуқ вә инақлиқни техиму күчәйтиш, милләтләрара мунасивәтни уйғунлаштуруш, уни мәмликәт байлиғиға айландуруш үчүн 1995-жили хәлиқара мәйданда тәңдиши йоқ надир институт – Қазақстан хәлқи Ассамблеяси қурулди. Һазир Ассамблея конституциялик мәртивигә егә болуп, әлдә достлуқ-инақлиқниң, милләтләрара разимәнликниң сақлинишида вә мәмликәтниң изчил тәрәққий етишидә салмақлиқ роль ойнаватиду.
 Ейтмақчи, бүгүн Астанада әйнә шу ҚХАниң Қазақстан Җумһурийити Парламенти Мәҗлиси депутатиниң сайлими бойичә ХХХ сессияси өтиду. 29-апрель күни болса, “Хәлиқ бирлиги – йеңиланған Қазақстанниң асаси” күн тәртиви билән Қазақстан хәлқи Ассамблеясиниң ХХХІ сессияси ечилиду.