• Әхбаратлар еқими
• 20 Наурыз, 2024

Рәссам Аманнисахан

Аманнисахан Һезизова — Крупская намидики мәктәпниң 5-синип оқуғучиси. Кичигидинла сүрәт селишқа һәвәс бағлиған Аманнисахан мәктәпкә қәдәм ташлиған вақиттин башлап тәсвирий сәнъәт өмигигә қатнишип кәлмәктә. У тәбиәт мәнзирисидә рәсим сизишни яхши көриду. Ана тәбиәт тәрипидин инсанийәткә әта қилинған гөзәллик яш рәссамниң мойқәлимидин бәрпа болған сүрәтләрдә әкис әткән. Йәнә бир тәрәптин балилиқ жүриги қобул қилған муһитни тәсвирлигән сүрәтлири униң талантини намайән қилип туриду. Аманнисахан көплигән конкурсларниң иштракчиси. Талантлиқ оқуғучиниң миллий нахша-уссуллиримизға болған иштияқиму үстүн.
Қабилийити вә интилиши билән устазлирини қайил қилған Аманнисаханниң келәчәк һаятиға бизму муваппәқийәт тиләймиз.