• Әхбаратлар еқими
• 28 Наурыз, 2024

Бурундайдики «бөшүк той»

Или наһийәсидики Бурундай, КазЦИК йезилириниң уйғур җамаәтчилиги Норуз мәйримини тәнтәнилик нишанлиди. 

Азнат ТАЛИПОВ,
«Uiğur avazi»

 КазЦИК жутиниң анилар кеңишиниң рәиси Зорәм Зивахунова, ханим-қизлар кеңишиниң рәиси Гүлнарәм Зульярова, жигитбашлири Азат Тохтиев, Владимир Исмайилов, униң ярдәмчиси Нурлан Баталовниң күч чиқириши билән КазЦИКта өткүзүлгән мәйрәмлик чарә-тәдбирдә нахша-сазлиримиз яңрап, миллий урпи-адәтлиримиз, миллий таамлиримиз намайиш қилинди. Узақ жиллардин бери Или наһийәсидә өткүзүлидиған һәрқандақ чарә-тәдбирләргә миллитимизгә вакаләтән өзиниң үлүшини қошуп келиватқан мөтивәр ана Зорәм Зивахуновадин мәзкүр жутниң уйғур җамаәтчилиги алаһидә миннәтдар. Йеши сәксәнгә йеқинлишип қалған ана яшларға жут-җамаәтчилик ишлирида өзиниң мәслиһитини берип, йол-йоруқ көрситип, уйғурниң мәдәнийитини, рәсим-қаидилирини намайиш қилип келиватиду. Бу қетимму миллий таамлиримизни тәйярлап, уларни һәқсиз тарқитип һәм әҗдатлардин қалған урпи-адәтлиримизниң бири болған «Бөшүк тойда» орунлинидиған рәсим-қаидиләрни көрсәтти. Бу мәрикидә Зорәм ана «Дәстүр жанашыры» атилип, йеза һакиминиң Тәшәккүрнамиси билән тәғдирләнди.