• Әхбаратлар еқими
• 25 Сәуір, 2024

Балилар гүл тикти

«Алмута – умумий өйүмиз» акцияси даирисидә Науырызбай наһийәсиниң мәктәп оқуғучилири, муәллимлири вә ата-анилири билән бирликтә билим дәргаһлири территориялиригә 2000 лаләгүл көчәтлирини тикти. Бу чарә-тәдбиргә тонулған нахшичи Талғат Жорабаев қатнашти. 
157-мәктәптә өсмүрләр билән балилар арисида экологиялик мәдәнийәтни қелиплаштурушқа, шундақла уларниң иҗадий қабилийәтлирини тәрәққий әткүзүшкә қаритилған «Әхләтниң иккинчи өмүри» конкурси өтти. Оқуғучилар өзлири кичик мемарчилиқ буюмлирини ясап, уларни һәрхил гүлләр билән безәп, чөчәк вә мульфильмлар қәһриманлири образлирини тәсвирлиди. 
Мәлумки, Науырызбай наһийәсиниң 3 мәктивиниң территориясидә теплицилар бар. Уларниң һәммиси заманивий тамчилитип суғириш вә йоруқ бериш системилири билән җабдуқланған. Бу теплициларда ишләш мәктәп программисини тәҗрибә дәрислирини толуқтурушқа вә муәллимләргә қизиқарлиқ факультатив дәрисләр өткүзүшкә имканийәт бериду. Теплициларда оқуғучилар йәл-йемиш, көктатларни өстүриду. Мошу арқилиқ балиларниң экологиялик аң-сәвийәси кәңийиду.