• Нәшрият төһписи
• 17 Наурыз, 2017

Язғучиниң йеңи китави

Шәмшидин АЮПОВ, «Уйғур авази»/ «Жүрәктин чиққан бир тамчә яш» — өзиниң наһайити тәсирлик һекайә вә новеллилири билән кәң аммиға тонулған язғучи Гүлбәһрәм Хошаеваниң новәттики әсәри. Қазақстан уйғур әдәбиятиниң проза жанрида үнүмлүк иҗат қилип келиватқан вә нурғунлиған китапханларни салмақлиқ әсәрлири билән өзигә җәлип қилип келиватқан язғучи қәлими арқилиқ туғулған жут қәдриниң, ата-ана меһриниң, қериндашлиқ отиниң, дост-бурадәр садақитиниң нәқәдәр күчлүклүгини ярқин ипадә қилиду. Китапхан мәзкүр әсәрләрдә тәсвирләнгән ва­қиә­ләрдин һәм яритилған қәһриманлар образлиридин бүгүнки күнниң һәқиқити билән үз көрүшәләйду. Өз новитидә, биз Гүлбәһрәм Хошаеваға техиму чоң иҗадий утуқ тиләп, униң йәниму ярқин әсәрлирини күтимиз.