• Инкас
• 27 Наурыз, 2019

Миң жилда бир туғулидиған шәхс

Президент болуп, әл башқуруш һәрқандақ адәмниң қолидин келидиған иш әмәс. Болупму, Қазақстанниң Тунҗа Президенти Нурсултан Әбишоғли Назарбаевтәк шәхс миң жилда бир туғулиду десәм, мубалиғә болмас. Нурсултан Әбишоғлиниң оттуз жилдин ошуқ әл башқурғанлиғи, биринчидин, хәлиқниң униңға болған ишәнчиси болса, иккинчидин, униң хәлқигә болған адиллиғидур. Бир әлниң тәғдиригә мәсъул болуп, җавапкәрлиги интайин жуқури хизмәтниң һөддисидин чиқип, зиммисиға артилған еғир жүкни һапашлап, хәлиқни талай қийинчилиқлардин аман-есән елип чиққан Тунҗа Президентимизниң әмгиги алдида тазим қилсақму, азлиқ қилиду, әлвәттә. Бүгүн биз мәғрурлинип тилға алидиған Қазақстанниң бүгүнкидәк гүллиниши – Нурсултан Әбишоғли Назарбаевниң дана сәясити һәм мәшәқәтлик әмгигиниң мевиси. Дунияйүзи бойичә әң яш пайтәхтләрниң қатариға киргән Астананиң Нур-Султан болуп өзгиришиму қазақстанлиқларниң Тунҗа Президентқа болған чәксиз һөрмитиниң нәтиҗсидур. Нурсултан Әбишоғли Назарбаев өзиниң пәм-парасити вә әмгәксөйгүчлүги түпәйли қисқа вақит ичидә мөҗүзә яратти. Йәни, пүткүл дуния қизиқип қарайдиған пайтәхтни бәрпа қилип, уни аләмгә тонутти. Хәйрият, Тунҗа Президентимизниң Қазақстан үчүн қилған әмгигини сөз билән ейтип түгитиш мүмкин әмәс. Униңға тарих гува. Нурсултан Әбишоғлиниң исми һәрбир қазақстанлиқниң жүригидә алаһидә орунни егиләйду. Саһирәм ӘЛАЕВА, Дардамту оттура мәктивиниң муәллими. Уйғур наһийәси.