• Мәрипәт мәсилилиригә беғишланған мәхсус сәһипә
• 25 Сәуір, 2024

Муәллимләргә йеңи лайиһә

Мәлумки, бүгүнки күндә Алмута шәһиридики муәллимләрни тәйярлайдиған алий оқуш орни билән оттура билим бериш тәшкилатлириниң һәмкарлиғи даирисидә 14 мәктәптә «Педагогикилиқ синип» лайиһиси әмәлгә ешиватиду.
Мәзкүр лайиһә җәриянида кадр тапчиллиғини һәл қилиш, муәллимләрниң билим сүпити билән дәриҗисини ашуруш, түләкләрни иш билән тәминләш, башқа регионларни билимлик педагог кадрлар билән тәминләш йөнилишидики реҗиләр изчил түрдә шәһәрлик Маарип башқармиси билән муһакимә қилиниду. Чүнки ушбу лайиһә кәлгүси мутәхәссисләрни иш билән тәминләш, билим сүпитини ашуруш кәби мәсилиләрни һәл қилиш үчүн қолға елиниватиду. Шуниң билән биллә «Қолайлиқ мәктәп» лайиһисини әмәлгә ашуруштики асасий вәзипиләрни орунлашму мәзкүр лайиһиниң әнчисидики мәсилә.
Педагогикилиқ синиплар бүгүнки күндә Алмута шәһиридики 14 оттура билим бериш дәргаһлирида утуқлуқ әмәлгә ашурулуп, униңда 200дин ошуқ оқуғучи (келәчәк педагоглар) билим еливатиду. Шуниң билән биллә җәнубий пайтәхтниң 16 умумий оттура билим бериш дәргаһлирида Абай намидики ҚазМПУ кафедрилириниң 21 шөбиси ечилди. Һәмкарлишиш тоғрилиқ меморандумға қол қоюш университет билән Маарип башқармиси арисидики кәспий мунасивәтни мустәһкәмләштики муһим қәдәм болуп һесаплиниду. Бу башланма, өз новитидә, елимизниң билим бериш системиси үчүн стратегиялик мәхсәтла әмәс, шуниң билән биллә билим бериш сүпитини яхшилашқа вә кәлгүси педагогларни тәйярлашқа иқбал йәткүзгүси.