Käspidin käçmäydiğan muällim

0
564 ret oqıldı

Uyğurda yahşi bir gäp bar. «Bolidiğan bala kiçigidin» däp qoyimiz. Dastanni kiçigidin tonuymän desäm, aşuruvetişim mümkin. Rast, ikkimiz jutdaş. Bir nahiyädin. Uyğur nahiyäsiniŋ Çarin yezisida tuğulğan. Män Kiçik Aqsudin. Amma uniŋ toğriliq kšp aŋlidim. Käspim jurnalist bolğanliqtin, nahiyä dairisidä yüz berivatqan çoŋ-kiçik vaqiälärdin dayim hävärdar bolup turimän.
Bir ariliqta nahiyälik gezitta işligändimu mäktäp bilän dayim munasivättä bolup turattuq. Bilidiğinim, Dastan kiçigidin mäktäptä yahşi oqudi. Uniŋ jämiyätlik işlardinmu qol üzmäydiğanliğini yahşi bilättim. Keyin uniŋ mäktäpni tamamlap, Almutidiki QazMPUğa oquşqa çüşkänligini aŋlidim. Student Dastan oquştimu, jämiyätlik işlardimu çättä turmaptu.

2010-jildin başlap u kindik qeni tškülgän juti – Çarinda käspi boyiçä işlävatidu. Bilimi, uyuşturuş qabiliyiti bilän kšzgä çüşkän jigit mäktäp mudiriniŋ tärbiyä işlar boyiçä orunbasari bolup tayinlinidu. Bu hizmitidä u balilarniŋ bilim süpitini aşuruşta, mäktäpniŋ därijisini kštiriştä ayanmay hizmät qildi. Uniŋ yänä bir esil hisliti, adämlär bilän tez til tepişişni bilidu.  Һärqandaq mäsilini salmaqliq bilän yeşişkä tirişidu. Buniŋğa yeqinda Dastan yeŋi hizmätkä saylanğanda yänä bir qetim kšz yätküzdüm.

Bultu, yeŋi oquş jili başlanğanda, uni nahiyä däriҗisidä štkän muhimlarda uçratmaydiğan boldum. Keyin uquşsam, u Almutiğa ketiptu.

—Muällimlikni taşlavätmigändu, — soridim maŋa bu hävärni yätküzgän tonuşumdin.

Yaq, u bu käspidin heçqaçan käçmäydu, — dedi u.

Uniŋ bu gepini aŋlap hoşal bolup qaldim. Һazir u Almuta vilayitidiki Zareçnoe yezisidiki LA-155/8 tüzitiş koloniyasidä käçki mäktäpniŋ mudiri ekän. Keläçigidin zor ümüt kütküzidiğan inimniŋ işiğa utuq tiläymän.

Mahmut İSRAPİLOV.

Uyğur nahiyäsi.

Bälüşüş

Javap qalduruŋ