1-mart – Minnätdarliq küni

0
324 ret oqıldı

Mana üç jildin buyan Qazaqstan hälqi Minnätdarliq künini nişanlavatidu. Bu mäyräm kšpmillätlik Qazaqstan hälqiniŋ inaqliq-birliginiŋ, dostluq-razimänliginiŋ rämzi. Dšlät rähbiri Nursultan Nazarbaev uniŋ mäzmun-mahiyitini mundaq çüşändürdi: «Äҗdatlirimiz häliqniŋ beşiğa çüşkän eğir sinaqlarğa bärdaşliq beriş üçün šzlirigä küç-quvät äta qilğan täğdirgä vä ana yärgä härqaçan minnätdar bolup kälgän. Ular dayim açarçiliq jillirida, uruş vaqtida yardäm qilğanliği üçün šz yeqinliridin razi ekänligini bildürgän. Jigirminçi äsirniŋ säyasiy täqipläş, mäҗburiy kšçiriş jillirida adämlär bir-birigä yardäm qilğanliği, qollap-quvätligänligi üçün minnätdarliq izhar qilğan. Bu bolsa, hämmä närsisidin җuda bolğan adämlärgä aman qeliş, hayatni yeŋidin başlaşqa ümüt-işänçigä egä boluş üçün küç-quvät bärgän. Şundaq ekän, bügünki taŋda äynä şu misli kšrülmigän eğirçiliqlarni baştin käçürgänlär, şundaqla ularniŋ ävlatliri qazaq dalasiniŋ mehmandostluğini alahidä sämimiyät bilän äsläp tilğa alidu…».
Qazaqstan җämiyiti Minnätdarliq künini yeŋi-yeŋi än°änilär bilän beyitip, käŋ nişanlimaqta. Mäsilän, bügün «Qayırımdı kšrşige rahmet!» («Mehrivan hoşnilarğa täşäkkür!») aktsiyasi başlinidu. Mäzkür çarä-tädbir dairisidä hoşnilar, hoşna yezilar, nahiyälär, şähärlär turğunliriniŋ šzara uçrişişliri štküzülidu. Uniŋ dairisidä QHA väkilliriniŋ qatnişişi bilän muhim mavzularğa sšhbätlär, šzara täҗribä almaşturuş, härhil musabiqilär, türlük sahalardiki utuqlarniŋ kšrgäzmisi, iҗadiy kollektivlar vä bädiiy häväskarlarniŋ kontsertliri uyuşturulidu. Älvättä, moşu naräsmiy uçrişişlarda uniŋğa qatnaşquçilar bir-birigä minnätdarliq bildürüp, izgü tiläklärni izhar qilidu.
Bir-birimizgä minnätdar bolayli, qimmätlik vätändaşlar!

Bälüşüş

Javap qalduruŋ