40 jildin keyinki uçrişiş

0
1 015 ret oqıldı

Çeläk yezisidiki A.Rozibaqiev namidiki ottura mäktäpniŋ hoylisi oquğuçilar bilän ata-anilarğa liq tolğan. Һämminiŋ çehrisidä täbässüm. Bu 40 jil muqäddäm qoliğa şahadätnamä alğan sinipdaşlarniŋ ana mäktäp qoynidiki uçrişişi edi.Kelişim boyiçä  hämmisi şu jillardikidäk mäktäp formisini (qizlar aq kofta, qara yubka, oğullar aq kšynäk, qara sim) kiyip, kšksigä «40 jil» däp yezilğan bälgüni taqavalğan. Täŋtuşlar bir-biri bilän quçaqlişip kšrüşüp, baliliq dävirlärni äslişivatatti.

Äynä şundaq hayaҗanliniq däqiqilärni baştin käçürüvatqan biz mähsus mäydançiğa mäktäp bosuğisini ändila atliğan gšdäklärni yetiläp çiqtuq. Kšpçilik bizni güldüras alqişlar bilän qarşi aldi. Andin mäktäp mudiri M.İsqaqov täntänini açti. Uniŋ qisqa nutqidin  keyin sšz noviti sinipdişimiz Päridäm İsmayilovağa berildi.

Päridäm šz sšzidä uyğur hälqiniŋ munävvär pärzändi A.Rozibaqiev vä uniŋ namida atalğan mäktäpniŋ štmüşigä, šz vaqtida bilim bärgän ustazlar paaliyitigä tohtilip, ularğa minnätdarliğini izhar qildi.

— 1972-jili biz, 66 oğul-qiz, moşu mäktäpni tamamliğan eduq, — dedi u hayaҗanlinip. — Şularniŋ içidä 13miz aliy, 39miz mähsus ottura oquş orunlirini tamamlap, bepayan Qazaqstanniŋ җay-җaylirida häliqqä hizmät qilmaqtimiz. Arimizdin kšpligän tädbirçan, işbilärmän  şähslär  yetilip çiqti.

Novät başqa sinipdaşlarğa berilip, ular Abdulhäy Muhämmädiyniŋ sšzigä yezilğan Quddus Ğoҗamiyarovniŋ «Salam saŋa, mäktivim» namliq nahşisini hor bilän eytqanda, zamandaş bova-momilar, ata-anilarniŋ kšzidin yaş ägidi. Andin keyin biz başlanğuç siniplarğa elip kälgän soğilirimizni tapşurduq. Täbrik sšzdin keyin Diläräm Pärhatҗan qiziniŋ rähbärligidiki «Yaşna» nahşa-ussul ansambliniŋ kontsertini tamaşä qilduq.

Şuniŋdin keyin A.Rozibaqievniŋ byustiğa gülçämbärlärni qoyduq. Andin šzimiz oquğan siniplarni ziyarät qilduq. Aldin-ala täyyarlap qoyğan balilar oyuni — «Oşuq oynaş», «Ağamça atlaş», «Siziq säkräş» vä başqa oyunlarni oynap, puğandin çiqtuq. Andin başlanğuç siniplarda oqutqan muällimimiz Salamät Abdrasulovaniŋ täklip qilişida şu säbi päyttiki qiliqlirimizni qaytilap, «sinipqa» jügrişip kirduq, aval külüştuq, andin kšz yaş qilip, baliliq dävirlirimizni äsliduq.

Uçrişişimiz «Saltanat» kafesida davamlaşti. U yärdä duniyadin štkän ustazlirimiz bilän sinipdaşlarğa beğişlanğan şeirlar oqulup, ularni hatiriliduq. Bu yärdimu yänä şu mäktäp dävridä oquğan pänlirimiz boyiçä musabiqilarni uyuşturup, ğalip çiqqanlarğa soğilarni tapşurduq. «Äŋ keçikip šylängän», «Kšp šylängän» dostlirimizğa «altun» medal'larni taqiduq. «Qähriman Ana», «Qähriman atilarmu» tegişlik soğilirini aldi. M.Noruzov, S.Abdrasulova, B.Maevskiy, R. Qämbärov, M.Srapilov qatarliq ustazlirimizğimu alahidä hšrmät bildürduq.

Ziyapät җäriyanida uçrişişimizniŋ şundaq qizğin şaraitta štüşigä çoŋ ülüş qoşqan A.Rozibaqiev namidiki mäktäpniŋ mudiri M.İsqaqovqa sinipdaşlar namidin  täşäkkür izhar qilduq. Şundaqla sinipdaşlirimiz Rehimäm Qavdunovağa, Җännät Mutällipovağa, Abdümülük Tohtievqa, Halmurat Sultanbaevqa maddiy җähättin yardäm kšrsätkini üçün minnätdarliğimizni bildürduq.

Qisqisi, intayin sämimiy muhitta štkän bu uçrişiş bizdä untulmas täsiratlarni qaldurdi.

Tuğluq NASİROV.

Ämgäkçiqazaq nahiyäsi.

 

Bälüşüş

Javap qalduruŋ