«Bovamniŋ mäktivi»

0
56 ret oqıldı

Bähtişat SOPİEV,
«Uyğur avazi»

Şair, ustaz Mäşür Җälilov šmürlük җüpti Floräm bilän on bir bala tepip, ulardin 29 nävrä, 23 çävrä sšyidu. Nävrä-çävrilärniŋ täŋdin-tolisi uyğur mäktividä bilim aldi. Şairniŋ tuğulğan juti – Uyğur nahiyäsiniŋ Kätmän yezisidiki Mäşür Җälilov namidiki ottura mäktäpniŋ 11-sinipida oquvatqan Dilşat Җälilov uniŋ känҗä balisi Dilmuratniŋ oğli. Җälilovlar arisida Dilşat poeziyagä yeqiniraq. U şundaqla bovisi ohşaş ustaz boluşni arman qilidu. Dilşat bovisi hayattin štkändä tuğulğaçqa, uni bilmäydu. Amma u 6-sinipta oquvatqanda bovisini çüşidä kšridu. Ätigänligi ornidin turupla apisiğa çüşini eytip berip, “bovam biz bilän moşu šydä turuvatidu”, degän ekän. Һätta helä vaqitqiçä «hazir bovam biz bilän oltirip çay içidu», däp җoziğa çinä bilän qoşuqni qoyup jürüptu.
Mäşür Җälilovni tonuydiğanlar uni äҗayip jugaç, siliq-sipayä insan bolğan deyişidu. Mäktäptä oquğuçilarğa, šygä kälsä, baliliriğa avazini kštirip gäp qilmattekän. U ilmiy mudir bolup işlävatqanda, nahiyälik bilim beriş bšlümidin çiqqan komissiya «Mäşür, seniŋ on bir balaŋ bar däp aŋlaymiz, šyüŋdä biriniŋ avazimu aŋlanmaydiğu» däp häyran qalğan ekän. «Ular däris täyyarlavatidu» däp qisqiçila җavap beriptu u. Ata-aniliri komissiya äzalirini yolğa selivätkiçä šz balilar bšlmiliridin çiqmiğan ekän.
Şairni pärzäntliri bilim beğiniŋla ämäs, adättiki bağniŋmu bağvini edi däp äsläşti.
– Һoylidiki gülzarliqni, u huddi pärzäntlirini kütkändäk pärviş qilatti, – däydu qizi Diläräm. – Beğimizniŋ bir parçä yeridä uniŋ kšktatçiliq qilidiğan yeri bolidiğan. Dadimiz bizni dehançiliqqimu ügätti. «Dehançiliq – bizniŋ ata käspimiz» däydiğan atimiz. Andin bilim elişqa dävät qilatti. Һelimu yadimda, käçki ğizadin keyin uzun җozimizğa hämmimizni oltarğuzuvelip, bir-birläp šy tapşurmisini soratti. «Yadiŋlardin çiqarmaŋlar, män ustaz, silär naçar oqusaŋlar, mäktäptä meniŋ beşim tšvän saŋgilap qalidu» däp dayim täkrarlaydiğan. Atimizniŋ eqidisini aqlap, hämmimiz aliy bilim alduq. Kšpçiligimiz ata yoli bilän meŋip, maarip sahasida işlävatimiz. Buniŋ hämmisini ata bilän aniniŋ äҗri, däp çüşinimän. Bügünki kündä animiz hayat. Beşimiz qoşulup qalsa, u dadimizniŋ bizgä qaldurup kätkän väsiyitini yadimizğa salidu. «Balilar çoŋ bolup şähärgä ketivatidu, ular balilirini šz ana tilida oqutsun. Ana tilini hšrmät qilğan adäm, başqa tilnimu muhäbbiti bilän üginidu» däydu animiz. Biz, şaraitniŋ yar berişiçä, ata väsiyitigä sadiq bolup yaşavatimiz.
– Ata izini besip, şeir yazidiğan Җälilovlar barmu? – soridim Dilärämdin.
– Dilşat balimizniŋ poeziyagä bolğan qiziqişi üstün. Ançä-munçä şeirlarni yezip jüridu. Bovisiniŋ izini besip, muällim boluşnimu arman qilidu. Özimu dadamğa ohşaş sšzgä çeçän, hazirҗavap. «Bovaŋni dorapsän» desäm, «bovamniŋ namidiki mäktäptä oquvatimänğu» däydu pähirliniş ilkidä.

Bälüşüş

Javap qalduruŋ