Häliqara maliyä märkizini ziyarät qildi

0
193 ret oqıldı

Qazaqstan Җumhuriyitiniŋ Tunҗa Prezidenti – Elbası Nursultan Nazarbaev “Astana” häliqara maliyä märkizigä bardi. Maliyä märkiziniŋ işi bilän tonuşqandin keyin Elbası uni šzi bevasitä qollap-quvätläydiğanliğini täkitlidi.
Nursultan Nazarbaevqa EKSPO-2017 kšrgäzmisiniŋ vä “Astana” häliqara maliyä märkiziniŋ hoquq sistemisini täräqqiy ätküzüş boyiçä qobul qilinğan çarä-tädbirlär häqqidä ähbarat berildi. Şuniŋ bilän billä Elbasığa häliqara maliyä märkizi soti, ingliz hoquqi akademiyasi, häliqara räislik märkizi vä maliyä märkiziniŋ ähvalliq märkiziniŋ paaliyiti toğriliq mälumatlar tävsiyä qilindi.
Qazaqstanniŋ Tunҗa Prezidenti maliyä märkizi birjisiniŋ asasiy aktsionerliri vä qatnaşquçiliri bilän uçraşti. Spikerlarniŋ dokladlirini tiŋşiğandin keyin Nursultan Nazarbaev dšlät rähbärliriniŋ häliqara maliyä märkiziniŋ paaliyitini toluq qollap-quvätläydiğanliğini täkitlidi.
– Hususiylaşturuş planini “Astana” häliqara maliyä märkizi arqiliq ämälgä aşuruşni davamlaşturuş lazim. Älvättä, duniyadiki bazar ähvalini diqqät näzärimizdä tutqan toğra. Şuniŋ bilän billä duniyadiki häliqara maliyä märkäzliriniŋ “Astana” häliqara maliyä märkizigä bolğan işänçisini küçäytiş keräk. Milliy ihtisadimizğa җälip qilinidiğan mäbläğ resursliriniŋ mšlçäri moşuniŋğa bağliq, – dedi Elbası.
Qazaqstanniŋ Tunҗa Prezidenti ihtisadiy šsümniŋ juquri sür°itini täminläşniŋ vä dšlätniŋ strategiyalik täräqqiyat planliriğa qol yätküzüşniŋ muhimliğini eytti.
– Keläçäktä märkäzni çoŋ işlar kütüvatidu. Barliq şeriklirimiz bilän qeliplaşqan härikätlirimizni davamlaşturuş muhim. Män “Astana” häliqara maliyä märkiziniŋ işini qollap-quvätläymän, – dedi Nursultan Nazarbaev.
“Astana” häliqara maliyä märkizi Qazaqstan Җumhuriyitiniŋ Tunҗa Prezidenti Nursultan Nazarbaevniŋ täşäbbusi bilän qurulğanliği mälum. Häliqara maliyä märkizini quruş toğriliq Konstitutsiyalik qanunğa 2015-jili 7-dekabr'da qol qoyulğan. Һazirqi taŋda häliqara maliyä märkizi GFCI maliyä märkäzliriniŋ duniyaviy indeksida 102 märkäzniŋ arisida 51-orunda turidu. Şuniŋ bilän billä “Astana” häliqara maliyä märkizi “Şärqiy Evropa vä Märkiziy Aziya” regionluq reytingisida birinçi orunni alğanliği täkitläş lazim. Һazir häliqara maliyä märkizidä 258 şirkät tirkälgän.

Bälüşüş

Javap qalduruŋ