Yarkänt täväsidä vä Uyğur nahiyäsidä boldi

0
31 ret oqıldı

Qazaqstan Җumhuriyiti Parlamenti Mäҗlisiniŋ deputati Şahimärdan Nurumov štkän häptidä Panfilov vä Uyğur nahiyälirigä käldi. Deputatni Yarkänt şähiridä Panfilov nahiyäsiniŋ hakimi Talğat Ömiräliev bilän uniŋ orunbasari Şšhrät Qurbanov kütüvelip, nahiyäniŋ iҗtimaiy-ihtisadiy ähvalidin täpsiliy hävärdar qildi. Şuniŋdin keyin häliq väkili Panfilov nahiyäsidiki äŋ çoŋ yeza okrugliridin hesaplanğan Birlik yeza okruginiŋ märkizi Altšy yezisidiki Ä.Qasteev namidiki ottura mäktäpkä qädäm täşrip qildi. Birlik yeza okruginiŋ hakimi Rahmanqul Äuelbekov deputatqa mäktäpniŋ tarihi vä bügünki näpäsi häqqidä täpsiliy ähbarat bärdi.

Gšhärbüvi İSMAYİLҖANOVA,
«Uyğur avazi»

Deputat bilän uçrişişqa Birlik yeza okrugi җamaätçiliginiŋ väkilliri, Äbilhan Qasteev namidiki mäktäp muällimlär kollektivi bilän meditsina hadimliri vä yaşlar qatnaşti.
Uçrişişni nahiyä hakiminiŋ orunbasari Şšhrät Qurbanov eçip, sšz novitini Ş.Nurumovqa bärdi.
— Män aldi bilän hämmiŋlarni qädäm täşrip qilğan 2020-jil bilän täbrikläymän. Silärgä mustähkäm salamätlik, iş vä oquşliriŋlarğa utuq, ailäŋlarğa bähit vä hatirҗämlik tiläymän, – dedi Mäҗlis deputati. – Yarkänt täväsi — bu kšpmillätlik tävä. Elimizdä 130din oşuq millät bilän elät istiqamät qilsa, päqät Yarkänt täväsidä 40tin oşuq millät dost, iҗil-inaq yaşavatqanliğini yahşi bilimän.
Deputat bolup saylanğandin beri elimizniŋ barliq vilayätliri bilän şähär, yezilirini arilap, sayliğuçilar bilän uçrişip, sšhbätlişivatimän. Qaysi regionğa barmay, qazaqstanliqlarniŋ hämmisi küç-quvitini mustäqil elimizniŋ täräqqiyati üçün särip qilivatqanliğniŋ, dostluqta yaşap, ämgäk etivatqanliğiniŋ guvaçisi boluvatimän. Bu dostluqniŋ uyutqisi elimizniŋ Tunҗa Prezidenti — Elbası Nursultan Nazarbaev bolsa, uniŋ işini davamlaşturuvatqan Qazaqstan Җumhuriyitiniŋ Prezidenti Qasım-Jomart Toqaev ekänligini alahidä täkitläymän.
Nahiyädä nurğunliğan šzgiriş-yeŋiliqlar yüz berivetiptu. Män šzäm silärgä hoşna Uyğur nahiyäsidä muällimlär ailisidä tärbiyä elip, šzämmu däsläpki ämgäk paaliyitimni ustazliqtin başlidim. Alimniŋmu, uçquçniŋmu, dehanniŋmu ustaz qolidin uçum bolidiğanliğini täkitligäç, “Ustaz!” degän büyük käsip egisigä baş egimän. U bala tärbiyiligüçi, yäni keläçäk egilirigä süpätlik bilim, aŋliq tärbiyä berivatqan adäm. Şundaq ekän, Yeŋi jil harpisida «Pedagog märtivisi toğriliq» qanun qobul qilindi. Muällimlärni bu hoşalliği bilän täbrikläymän. Pedagoglar härhil kälsä-kälmäs täkşürüşlärdin, qäğäzvazliqtin qutulidu. Muällimlärniŋ härqandaq işiğa häq tšlinidiğan vaqit käldi. Muällim birinçi novättä šz käspigä munasip iҗadiy izdinişi arqiliq bala tärbiyisi bilän şuğullinişi keräk. Çünki keläçäk egiliri härtäräplimä bilimlik boluşi lazim. Bu — dävir tälivi.
Şahimärdän Üsäyinoğli җamaätçilik väkillirini qanun çiqiriş orginida yüz berivatqan šzgiriş-yeŋiliqlardin hävärdar qildi. Bolupmu kšpbaliliq aililärgä tšlinidiğan adresliq iҗtimaiy yardäm toğrisida täpsiliy çüşänçä bärdi.
Mäҗlis deputati qobul qilinğan qanunlar, ularniŋ ämälgä eşişi häm şu qanunlarğa Qazaqstan hälqi Assambleyasidin saylanğan deputatlar topiniŋ arilaşqanliğini alahidä täkitläp štti. Şundaqla u bu jili nişanlinidiğan sänälärgä tohtaldi. Abay Qunanbaevniŋ 175 jilliq, Äl- Farabiniŋ 1150 jilliq tävälludliri, QHAniŋ qurulğininiŋ 25 jilliği dairisidä štülidiğan çarä-tädbirlär toğrisidimu eytip, ularniŋ Yarkänt täväsidä munasip atap štülidiğanliğiğa härbir turğunniŋ küç selişini halaydiğanliğini yätküzdi.
Uçrişiş davamida Altšy yezisiniŋ turğunliri, ämgäk veteranliri Yaqup Ayupov, Abdurahman Beysembaev vä başqilar sšzgä çiqip, šzlirini oylandurup kelivatqan mäsililärni otturiğa qoydi. Natiqlar şundaqla Şahimärdan Nurumovniŋ deputatliq iş-paaliyitigä yänimu zor muvappäqiyätlär tilidi.

***
Ätisi Şahimärdan Üsäyin oğli Uyğur nahiyäsiniŋ Çoŋ Dehan yezisidiki ottura mäktäpniŋ mäҗlislär zalida Kiçik Dehan yeza okrugi turğunliri bilän uçrişip, ularniŋ problemiliri bilän tonuşti. Deputat sayliğuçilarniŋ pikir-täkliplirini diqqät bilän tiŋşap, ularni ämälgä aşuruş yolida härikät qilidiğanliğini täkitlidi.
Deputatniŋ bu säpiridä uniŋğa Uyğur nahiyäsiniŋ hakimi Şšhrät Nurahunov hämra boldi.

Bälüşüş

Javap qalduruŋ