Kšrük quruluşiniŋ zärbidari

0
81 ret oqıldı

“Nurlı jol” — bu strategiyalik layihä. Uni toluği bilän ämälgä aşuruş barliq transport infraqurulumini süpätlik yeŋilaşniŋ mustähkäm asasi bolmaqta”.

Qasım-Jomart Toqaev,
Qazaqstan Җumhuriyitiniŋ Prezidenti.

İvrayim BARATOV,
“Uyğur avazi”

Mälumki, Qazaqstan ihtisadini täräqqiy ätküzüştä quruluş sahasiniŋ tutidiğan orni alahidä. Ändi yol quruluşi bolsa, moşu sahaniŋ aҗralmas bir qismi bolup, sür°ätlik täräqqiy etivatqan elimiz ihtisadiniŋ lokomotiviğa aylanmaqta. Bu toğriliq štkän jili Prezident Qasım-Jomart Toqaevniŋ qazaqstanliqlarğa yolliğan “Konstruktiv җämiyätlik dialog — Qazaqstanniŋ turaqliqliği vä güllinişiniŋ asasi” Mäktübidä alahidä täkitläp štkänligi bekar ämäs.
Yol quruluşi sahasida qol yätküzgän utuqlirini turaqliq saqlap kelivatqan vä bu utuqlarni jildin-jilğa tehimu mustähkämläş üçün zamaniviy ilğar tehnologiyalärni vä innovatsiyalik layihilärni işäşlik җariy qilivatqan işläpçiqiriş orunliriniŋ biri, sšz yoq, yol quruluşi üçün tšmür-beton mähsulatlirini işläp çiqirivatqan “Almuta kšrük konstruktsiyaliri zavodi” (AZMK) җavapkärligi çäklängän yoldaşliği bolup hesaplinidu. Bu utuq zavodni 2010-jildin beri işäşlik başqurup kelivatqan Şšhrät Şardinovniŋ ismi bilän çämbärças bağliqtur.
Biz bilän bolğan sšhbättä AZMK ҖÇYniŋ baş mudiri Şšhrät Ähmätҗanoğli štkän jilniŋ yäkünini çiqirip, mundaq dedi:
— Ötkän jil biz üçün nahayiti utuqluq boldi. Jil davamida biz nemilärni mähsät qilğan bolsaq, şularğa toluq qol yätküzduq. Räqämlär tili bilän eytsam, işläpçiqiriş kšläminiŋ sür°iti 155 payizğa yätti; 5000 vagon täyyar mähsulat buyrutma bärgüçilärgä toluq yätküzüldi; zavodumiz ahirqi birnäççä jildin buyan Almuta şähiridiki çoŋ seliq tšligüçi karhana bolup qalmaqta vä štkän jili şähär byudjetiğa 1,5 milliard täŋgä seliq tšlidi; jil davamida işläpçiqirişni mäbläğ bilän täminläş mähsitidä investitsiya qilinğan kapital 1 milliard 378 432 million täŋgini täşkil qildi.
Bu räqämlär, Şšhrät Ähmätҗanoğliniŋ qäyt qilişiçä, işläpçiqiriş kšläminiŋ tilğa alarliq däriҗidä kšpäygänligini vä täyyar mähsulatni štküzüştä alğa ilgiriläşniŋ yüz bärgänligini kšrsitidu. Şundaq ekän, zavod mähsulatliri riqabätkä qabil, demäk, ehtiyaҗ üstün.
Şu närsä eniqki, mundaq utuq zavodqa bir kündila kälgini yoq. Ötkän jillar davamida AZMK keläçäkkä nişan qilinğan täräqqiyat programmisini işläp çiqip, uni päydin-päy ämälgä aşuruşniŋ äŋ qolayliq vä nätiҗidarliq yolini tallavaldi. U yol, zavod rähbärliginiŋ eytişiçä, innovatsiyalik layihilärni ämäliyatta җariy qilişniŋ ilmiy asasta ispatlanğan tehnologiyalärdin ibarät bolup, elimizniŋ dšlätlik programmiliridin kelip çiqidiğan väzipilärni utuqluq ämälgä aşuruşqa qaritildi.
— Ötkän 1919-jil zavodumiz üçün vä şähsän šzäm üçün nahayiti utuqluq bolğanliğini täkrar-täkrar tilğa alğum kelidu, — däydu Şšhrät Şardinov sšhbätara. — Aprel' eyida Almutidiki Urbanistika märkizidä җänubiy paytähttiki biznesmenlar qatarida mänmu Qazaqstan Җumhuriyiti Prezidenti aldida hesavat bärdim. Män bu hesavitimda “Nurlı jol” dšlät programmisi näq Almuta kšrük konstruktsiyaliri zavodiğa alahidä sür°ät bärgänligini täkitläp, jil ahiriğa qädär işläpçiqiriş җäriyanini zavodta tästiqlängän içki programma asasida tehimu kšpäytiş kšzdä tutuluvatqanliğini eyttim vä misal süpitidä zavodumiz “Nurlı jol” programmisi dairisidä Qazaqstan bazirini kšrük konstruktsiyaliri bilän täminläş 70 payizğa yetidiğanliğini alahidä qäyt qildim. Prezident Qasım-Jomart Toqaev maŋa qarita “ämgäkçanliq — adämniŋ äŋ aliy himmiti, u häliqni güllinişkä elip kelidu” däp eytqan sšzini şähsän maŋa vä kollektivqa bildürgän tiligi däp qobul qildim.
Bügün zavod šz mähsulatini Rossiya, Qirğizstan vä Özbäkstan baziriğa elip çiqti. Bu eytmaqqa oŋay bolğini bilän ämäliyatta nahayiti täs iş. Çünki riqabät nahayiti küçlük. Ändi zavodniŋ tehnologliri bilän injenerliri baş mudir Şšhrät Ähmätҗanoğliniŋ rähbärligidä yeŋi tehnologiyalärni җariy qilişta, işläpçiqirişni avtomatlaşturuş vä räqämläştürüştä Almutidiki mundaq karhanilar arisida turaqliq kšç beşida kelivatqanliği diqqätkä sazavärdur. Birla misal: uzunluği 42 metrni täşkil qilidiğan kšrük üçün tüvrüklär evrokodqa toluq җavap beridiğanliği tästiqlinip, uniŋğa bolğan ehtiyaҗ kšpäymäktä. Mundaq tüvrüklär kšrükniŋ tännärqini 15 payizğiçä ärzänlitiş mümkinçiligini beridu. Ändi Almuta şähirini bezändürüş programmisi boyiçä, koçilar vä trotuarlar üçün mähsus bordyur işläpçiqirişni yolğa qoyuş üçün yeŋi 50 iş orni eçilip, jil davamida päqät Almuta şähirini avatlaşturuşqa molҗalanğan 30 000 metr bordyur buyrutma bärgüçigä yätküzüldi.
İşläpçiqirişni diversifikatsiyaläş zavodniŋ ihtisadiy täräqqiyatiniŋ yänä bir härikätländürgüçi küçi bolğanliği eniq. 2019-jili AZMK ҖÇY yenida tšmür yol sahasi üçün nemis tehnologiyasi asasida tšmür-beton şpalilirini işläp çiqiridiğan qoşumçä karhana işqa qoşulup, qoşumçä 100din oşuq iş orni vuҗutqa käldi. Bu yeŋi şpalilar poezdniŋ ildamliğini saatiğa 300 kilometrğa yätküzüş mümkinçiligini beridu. Mähsulat elimizniŋ içki bazirida çoŋ täläpkä egä. Mäzkür zavodniŋ eçiliş täntänisigä Almutiniŋ sabiq hakimi Bauırjan Baybek qatnaşti.
Sšhbitimiz җäriyanida baş mudir zavod işçiliriniŋ maaşi toğriliqmu eytişni untumidi. Uniŋ sšziçä, 1918-jili Qazaqstan Җumhuriyiti Prezidentiniŋ işçilarniŋ ämgäk häqqini kšpäytiş boyiçä täşäbbusini birinçilärdin bolup qollap-quvätligän. Yeŋi tehnologiyalärni qolliniş arqiliq yetiştürüvatqan mähsulat kšlämini kšpäytiş vä bäzi mähsulatlarniŋ tännärqini ärzänlitiş nätiҗisidä zavodniŋ barliq injener-tehnik hadimliriniŋ vä işçilarniŋ ayliq maaşini sezilärlik däriҗidä kšpäytiş mümkinçiligi qolğa kältürüldi. Mäsilän, 2018-jili işçilarniŋ ottura ayliq maaşi 168 000 täŋgä ätrapida bolğan bolsa, štkän jili 207 000 täŋgigä yätti. İnjener-tehnik hadimlarniŋ maaşi uniŋdinmu juquri.
Şšhrät Ähmätҗanoğliğa zavodniŋ iҗtimaiy-mädäniy täräqqiyatinimu yeŋi baldaqqa kštiriş mümkin boldi. Baş mudirniŋ şiari addiy: işçi zavodqa kälgändä, u šzini huddi šz šyidä jürgändäk his qilişi keräk. Uniŋ üçün ilgiridin moҗut bolğan dukan, meditsiniliq märkäz, satraşhana, aşhaniğa qoşumçä üzüş basseyni vä monçisi bar fitnes-märkäz işqa qoşuldi. Şundaqla zavodniŋ ilğar işçiliri çät ällärgä turistik säpärlär üçün häqsiz yollanmilarğa egä boluş adättiki kšrünüşkä aylinivatidu. Һär jili kšpbaliliq aililärniŋ 30din oşuq pärzändi yazliq lager'larda däm alidu. Şuŋlaşqa bolsa keräk, päqät štkän jilila AZMK ҖÇY “Tiҗarätniŋ iҗtimaiy җavapkärligi” , “Äŋ yahşi kollektivliq şärtnamä”, “Karhana hadimliriniŋ salamätligini saqlaşqa vä himayä qilişqa qoşqan hässä” konkursliriniŋ laureati ataldi. Ötkän jilila kollektivni iҗtimaiy qollap-quvätläşkä 60 million täŋgä särip qilindi.
Zavodtiki turaqliq bilän juquri iҗtimaiy җavapkärçilikniŋ yänä bir kšrsätküçi — karhanida 50 jildin oşuq vaqit җäriyanida işlävatqan ämgäk veteranliridur. Zavodta äynä şundaq işligän veteranlarğa maşina soğa qiliş än°änisi bar. Ötkän jili armatura tsehiniŋ brigadiri G.V. Polyanskiy bilän mäzkür tsehniŋ başliği V.B. Çehonadskiyğa ikki yenik maşininiŋ açquçi tapşuruldi.
Karhanidiki yänä bir tilğa alarliq än°änä — zavod mutähässislärni šzliri täyyarlaydu. Bu mähsättä rähbärlik Almutidiki aliy oquş orunliri vä kolledjlar bilän yeqin munasivät ornitip, studentlarniŋ işläpçiqiriş mäşğulatlirini AZMKda vä uniŋ yenida täşkil qilinğan çoŋ-kiçik karhanilarda štküzüşni yolğa qoydi. Kšzgä kšrüngän studentlar bilän aldin-ala ämgäk şärtnamiliri tüzilidu.
İşta här küni nätiҗidarliq ämgäk qilişniŋ ülgisini baş mudir Şšhrät Ähmätҗanoğliniŋ šzi kšrsitivatqanliğini eytip štüş orunluq. Qazaq transport vä kommunikatsiya akademiyasi bilän Qazaq gumanitarliq ädliyä universitetini äla bahalarğa tamamliğan Şšhrät Şardinov štkän jili Nazarbaev Universiteti Biznes-mäktivini äla bahalarğa pütärdi. Top-menedjerniŋ bu ülgisi bilän maŋğan mähkiminiŋ ilğar injener-tehnikliri bilän tehnologliri turaqliq bilimini aşuruş kursliriğa qatnişivatidu. Bu kälgüsidä qolğa kältürülidiğan utuqlarniŋ asasiy amili ekänligi çüşinişlik.
Şšhrät Şardinov җämiyätlik iş bilänmu aktiv şuğullinivatidu. U Almuta şähiri hakimiyiti yenidiki İşçanliq keŋişiniŋ äzasi, šzi rähbärlik qilivatqan zavodtiki Nur Otan partiyasi başlanğuç täşkilatiniŋ räisi, moşu partiyaniŋ Türksib nahiyälik şšbisi säyasiy keŋişiniŋ äzasi. Qazaqstan Җumhuriyiti Prezidenti saylimi boyiçä Almuta şähärlik ştabniŋ äzasi vä Qazaqstan Җumhuriyiti Prezidentliğiğa namzat Qasım-Jomart Toqaevniŋ Nur Otan partiyasidin işäşlik väkili boldi.
Ötkän jilniŋ avgust eyida “Almuta kšrük konstruktsiyaliri zavodi” ҖÇY üçün muhim vaqiä yüz bärdi. Prem'er-ministr Asqar Mamin Almuta şähiri vä Almuta vilayitini täräqqiy ätküzüş mäsililiri boyiçä keŋäşmä štküzüp, Şšhrät Ähmätҗanoğli rähbärlik qilivatqan zavodni “yeŋiliniş bilän täräqqiyatniŋ yeŋi ülgisi” däp atap kšrsätti. Andin zavod mähsulatliri qoyulğan mähsus kšrgäzmini ziyarät qilip, dšlät programmiliriniŋ orunlinişi vä innovatsiyalik tehnologiyalärni җariy qilişniŋ җäriyani bilän tonuşti (sürättä). Bu zavodqa vä uniŋ işlämçan kollektiviğa yeŋi sür°ät bärdi. Nätiҗidä iş ünümi üç hässä šsüp, jilliq plan qärälidin helila ilgiri orunlandi. Saha ekspertliriniŋ pikriçä, AZMKda qolğa kältürülgän mundaq sür°ät riqabätkä qabil diversifikatsiyalängän ihtisatni täşkil qilişqa qaritilğan dšlät säyasitini utuqluq ämälgä aşuruşniŋ nätiҗisi bolup hesaplinidu.
Jilni äynä şundaq utuqlar bilän yäkünligän “Almuta kšrük konstruktsiyaliri zavodi” ҖÇYniŋ baş mudiri Şšhrät Şardinov elimizniŋ ihtisadiy täräqqiyatiğa qoşqan çoŋ hässisi üçün QҖ Prezidenti Qasım-Jomart Toqaevniŋ Täbrik hetini elişqa sazavär boldi. Şundaqla Almutiniŋ täräqqiyatiğa qoşqan hässisi üçün ikki märtä şähär hakimi B.Sağıntaevniŋ Täşäkkürnamisini aldi.

 

Bälüşüş

Javap qalduruŋ