- Һасан-һүсән
- 10 Қаңтар, 2014
Дунияда немә өлмәйду
(Ривайәт)
Бир падиша дөлитидики оқумушлуқ кишиләрни ордиға жиғип, улардин «Дунияда өлмәйдиған нәрсә барму?» дәп сорапту.
— Бар, җанаплири, — дәпту бир киши орнидин туруп, — биринчидин, Қуяш өлмәйду, иккинчидин, Ай өлмәйду, үчинчидин, Йәр өлмәйду, төртинчидин, Су өлмәйду.— Тоғра, тоғра, — дейишипту башқилар.
— Бу тоғра пикир әмәс. Күн билән Ай күндә өлиду. Йәр билән Су жилда өлиду, — дәпту чәттәрәк олтарған бир киши орнидин туруп.
— Қени, испатлап берәләмсән? — дәпту падиша.
— Әлвәттә, — дәпту һелиқи киши, — Ай билән Күнниң өлгини — иңишип берип тағ кәйнигә патқини. Йәрниң өлгини — қар астида ятқини, Суниң өлгини — үзидә муз қатқини.
— Ундақта, дунияда өлмәйдиған нәрсә йоқкәндә, — дәпту падиша.
— Йоғуси, җанаплири, дунияда өлмәйдиған икки есил нәрсә бар. Бири — билим, йәнә бири — яхши нам. Мана мошу икки нәрсила әвлаттин-әвлатқа өтүп, мәңгү өлмәйду, — дәпту һелиқи киши.
Буниңға падишаму, оқумушлуқ кишиләрму қайил бопту.
Тәйярлиған Нигара АБДУЛЛАЕВА,
Бесағаш йезисидики 29-оттура мәктәпниң оқуғучиси.
Талғир наһийәси.
267 рет
көрсетілді0
пікір