- Һасан-һүсән
- 11 Қаңтар, 2024
Мениң Вәтиним – Қазақстан!
Бу ибарини мән махтиниш билән ейталаймән. Сәвәви, Қазақстанниң мустәқиллик алғинидин санақлиқ жил өтсиму, көплигән чоң дөләтләр қатарида әлгә тонулуп, күн санап алға қарап интилип келиватиду. Бизниң Вәтинимизниң қисқа вақит ичидә қол йәткүзгән әң чоң утуқлириниң бири — һәрхил милләт вә еләт вәкиллиридин тәркип тапқан он сәккиз миллиондин ошуқ адәм, худди бир аилиниң балилиридәк, бир-бири билән яхши муамилидә, һөрмәт билән яшиши. Шундақла бирқатар милләтләр тиллирида гезит-журналлар, китаплар нәшир қилиниватиду. Елимиздики барлиқ милләтләр қатарида биз, уйғур хәлқи, Қазақстанниң тәңһоқуқлуқ гражданлири болуп һесаплинимиз. Бизниң бәхитлик яшап, өз ана тилимизда билим елип, өзимизниң тарихини, мәдәнийитини, сәнъитини тәрәққий әткүзүшимизгә мүмкинчилик яритип бериватқан Президентимизға тәшәккүримиз зор. Биз оқушқа көп көңүл бөлүп, илим-пәнниң қир-сириға йетишимиз һаҗәт. Сәвәви, елимизгә билимлик, паалийәтчан адәмләр керәк. Яш мәмликитимизниң келәчиги биз, яш әвлатқа, бағлиқ. Шәхсән мән яхши билим елип, Мустәқил Қазақстанимниң гүллиниши, тәрәққияти үчүн биркишилик үлүшүмни қошушни өзәмгә мәхсәт қилип қойдум. Сәвәви, Қазақстан – бу мениң өйүм, бу мениң Вәтиним!
Радмила РУСЛАНОВА,
Һ.Искәндәров намидики
Ават оттура мәктивиниң
6-синип оқуғучиси
Уйғур наһийәси
72 рет
көрсетілді0
пікір