• Һасан-һүсән
• 11 Қаңтар, 2024

Шеирийәт гүлзари

Ата-анамға

Өйүмизниң бәрикити,
Атам билән анамдур.
Бири дана биз үчүн, 
Бири әзиз панамдур.

Чоңлар тилиги

Атам мени «Күн» дәйду,
Анам мени «Гүл» дәйду.
«Яхши оқуп, чоң болуп, 
Аман-есән бол», дәйду.

Бовам

Әзиз бовам биз үчүн
Өйүмизниң түврүги.
Нәвирләргә һәрқачан.
Қиммәт униң тилиги.
 
Новәтчилик

Новәтчи мән синипта,
Тазилиққа қараймән.
Шуңа бүгүн мәктәпкә
Әң биринчи бараймән. 

Дильнура НАРИМАНОВА,
Һ.Искәндәров намидики Ават оттура мәктивиниң 6-синип оқуғучиси
 Уйғур наһийәси 

Чоң аилә

Чоң аилиниң қизи мән,  
Момам, дадам, апам бар.
Акам, иним, йәнә мән,
Мәктәпкә бәк интизар.

Көп балилиқ болимиз,
Йәнә икки укам бар.
Сиңлим исми Гүлинур,
Мениң билән у ойнар.

Һәммимизни шат әткән,
Кичиккинә әлләй бар.
Омақ күлкиси билән
«Көтәр» дегәндәк қарар.

Алдираймән мәктәптин
Аиләмни көрүшкә.
Хошал болған сиңлимни
Бир қучақлап сөйүшкә.

Акам билән инимму,
Мәктәптин кәч келиду.
Ата-анам вә момам,
Хошал қарши алиду.

Кәчтә өйдә җәм болуп,
Көңүл яйрап кетиду.
Ойнап, күлүп, параң сеп,
Вақит хушхой өтиду.

Мәрһәбә АБДУКЕРИМОВА,
А.Розибақиев намидики Пәнҗим оттуруа мәктивиниң
 5-синип оқуғучиси

Панфилов наһийәси