• Һасан-һүсән
• 10 Қаңтар, 2014

Шеирийәт гүлзари

Йезам Тағ бағриға җайлашқан, Бүк-барақсан, гүл йезам. Тәбиити әҗайип, Дилға берәр зор илһам. «Атилиду «Алтөй» дәп, Адәмлири әмгәкчан. Достлуқ билән өмлүктә, Яритиду алтун дан. Илим-пәнни егиләш, Мениң үчүн пәриздур. Ана жутни гүллитиш, Бойнумдики қәриздур. Ясмин ҺОСМАН, Ә.Қастеев намидики оттура мәктәпниң 4-синип оқуғучиси. Панфилов наһийәси. Қазақстан — достлуқ макани Қазақстан әзәлдин қут маканисән, Сәндә чин достлуқниң ришти муҗәссәм. Йүз оттуз милләтниң  арзу-армини, Иҗавәт болмақта елим сән билән. Көк асман рәңгидә байриғиң сениң, Тәврәнмәс өмлүк һәм бирлик бәлгүси. Достлуғи мустәһкәм болғачқа әлниң, Болиду бүгүндин парлақ кәлгүси. Дилияр ӘЛАНУРОВ, Әмгәкчи оттура мәктивиниң 10-синип оқуғучиси. Панфилов наһийәси. Устазим мениң Дәсләп һәрип тонутқан, Мениң әзиз устазим. Бешим егип қилимән, Устазимға мән тазим. Тәрбийиләп өстүрди, Шуңа рәхмәт ейтимән. Тәлимини унтумай, Арминимға йетимән. Венерәм МИНӘҖИДИНОВА, Яркәнт оттура мәктивиниң 4-синип оқуғучиси. Панфилов наһийәси. Назугум Уйғур қизи Назугум, Хәлқимниң пәхри болған. Һар-номусини сақлап, Җенини қурван қилған. Назугум зерәк қиз, Пак сөйгүсин сатмиған. Бешида қилич турсиму У өлүмдин қорқмиған. Қош йеза Тағ бағриға җайлишип, Гөзәлликкә көз ачқан. Чоң Ақсу, Кичик Ақсу, Хәлқигә күлүп баққан. Ака-ука қериндаш, Иш қилмақта бирликтә. Хәлқи униң меһриван, Яшимақта өмлүктә. Сениң бир гүлүңмән, Бағриңда күлимән. Жирақларға кәтсәмму, Сени ойлап жүримән. Айгүл НИЯЗОВА, Чоң Ақсу йезисидики Ғ.Сәдвақасов намидики оттура мәктәпниң 9-синип оқуғучиси. Уйғур наһийәси. Ана тилим Ана тилим — дана тилим, Сениңдин алимән билим. Шу алған билимим билән, Күйләймән сени  дайим. Ана тилим — дана тилим, Сән билән йоруқ дилим. Сениң билән орнайду, Көңүлгә илим-билим. Шәрипҗан ХАКИ, Ғәйрәт йезисидики И.Саттаров намидики оттура мәктәпниң 6-синип оқуғучиси. Әмгәкчиқазақ наһийәси. Устаз Устаз иши шәрәплик, Билим бәрмәк оңайму. Уни яхши чүшинәр, Бала билән бовайму. Қахшатмаңлар балилар, Билим бәргән устазни. Яхши бала болушқа, Үндәйла биз Гүлназни. Феруза РОЗАХУН, Ғәйрәт йезисидики И.Саттаров намидики оттура мәктәпниң 11-синип оқуғучиси. Әмгәкчиқазақ наһийәси. Қазақстан Қазақстан мениң елим, Сәндә оқуп алдим билим. Сени қандақ махтимаймән, Сайрап турса мениң тилим. Шундақ гөзәл елим барғу, Көзүм йәтмәс йерим барғу. Шуниң үчүн махтинимән, Мундин ашқан бәхит барму? Даңқиң сениң тарап кәтти, Җаһан кезип айға йәтти. Утуғиңни тизип язсам, Қизил тилим сайрап кәтти. Арислан МӘХСҮТОВ, Ғалҗат оттура мәктивиниң оқуғучиси. Уйғур наһийәси.