• Спорт
• 04 Шілде, 2014

«Шагиртиға қарап, устазини тони»

Шундақ ибарә бар хәлиқтә. Маливайлиқ мәшиқләндүргүчи, миллий дәриҗидики судья Шаһавдун Баһамовниң шагиртлири Радулин Қәһриман вә Расул Нурәхмәт йеқинда Наринқолда яш өсмүрләр арисида өткән ҚҖ Маарип әлачиси, Райимбек наһийәсиниң пәхрий граждини Нурбатыр Орынбаевниң хатирисигә беғишланған биринчиликтә мукапатлиқ орунларни егилиди.Мусабиқигә Алмута, Талдиқорған шәһәрлиридин, Алмута вилайитиниң наһийә вә йезилиридин җәми 160 яш боксчи қатнашти. Улар төрт күн давамида Райимбек наһийәлик балилар вә яш өсмүрләр спорт мәктивиниң рингида һәрхил салмақ дәриҗилири бойичә күч синашти. Шаһавдун акиниң шагирти Радулин 36 килограмм салмақ дәриҗиси бойичә ғалип чиқса, Расул болса, 56 килограмм салмақ дәриҗиси бойичә ІІІ орунға еришти. Рашидәм РӘҺМАНОВА. Әмгәкчиқазақ наһийәси. Сүрәттә: мусабиқә ғалиплири — Радулин вә Расул.