- Спорт
- 04 Маусым, 2012
Олимпиада тарихидин қисқичә дерәкләр
Олимпиада оюнлириниң тәрәққият ордиси — Афинидин башланғанлиғи мәлум. Бу тәнтәниниң қандақ өткәнлиги һәққидә нурғунлиған ривайәтләр моҗут. Уларниң бири мәшһур Геракл билән мунасивәтлик: дәсләпки олимпиада оюнлирини Элида падишаси Авгийниң мал қорасини бир күндә тазилап, өзиниң әрлик-җасурлуғи билән қанаәтләнгән Геракл уюштуруптәкмиш. Геракл өз ара келишимни бузған Авгий падишани өлтүрүп, униң өйини, пүткүл байлиғини Олимпия худалириға тәғдим қилидудә, олимпиадини тайинлайду. Мана шуниңдин кейин оюнлар төрт жилда бир қетим өткүзүлүшкә башлайду. Һәр бир олимпиада оюни бәш күн давамида өтидиған болиду. Амма бу оюнлар миладимизниң 394-жили мәнъий қилиниду.
Пәқәт ХІХ әсирниң ахирилирида хәлиқ ара ихтисадий вә мәдәний мунасивәтләрниң иштик сүръәттә тәрәққий етиши спортқиму өз тәсирини йәткүзүп, Олимпиада оюнлирини әслигә кәлтүрүш тоғрилиқ мәсилә күн тәртивигә қойилиду. Униң тәшәббускари француз әрбаби Пьер де Кубертен болди. Олимпиадида «Әң муһими — йеңиш әмәс, әң муһими — қатнишиш», дегән шиар астида өтүши керәк деди Пьер де Кубертен 1892-жили Сорбоннаниң һашамәтлик сарийида оқуған «Олимпия рененсанси» намлиқ лекциясидә. Шуниңдин бери бу ибарә Олимпиада шиарлириниң биригә айланди. Әнди 1922-жилдин тартип, Олимпиадиниң эмблемисиға: «Илдамирақ, егизирәк, күчлигирәк» дегән шиар йезилидиған болди.
Олимпиада оюнлири өткән жиллар вә шәһәрләр
І — 1896-жил, (Афина шәһири).
ІІ — 1900-ж., (Париж).
ІІІ — 1904-ж., (Сент-Луис).
ІV — 1908-ж., (Лондон).
V — 1912-ж., (Стокгольм).
VІ — 1920-ж., (Антверпен).
VІІ — 1924-ж., (Париж).
VІІІ — 1928-ж., (Амстердам).
ІХ — 1932-ж., (Лос-Анджелес).
Х — 1936-ж., (Берлин).
ХІ — 1948-ж., (Лондон).
ХІІ — 1952-ж., (Хельсинки).
ХІІІ — 1956-ж., (Мильбурн).
ХІV — 1960-ж., (Рим).
ХV — 1964-ж., (Токио).
ХVІ — 1968-ж., (Мехико).
ХVІІ — 1972-ж., (Мюнхен).
ХVІІІ — 1976-ж., (Монреаль).
ХІХ — 1980-ж., (Москва).
ХХ — 1984-ж., (Лос-Анджелес).
ХХІ — 1988-ж., (Сеул).
ХХІІ — 1992-ж., (Барселона).
ХХІІІ — 1996-ж., (Атланта).
ХІV — 2000-ж., (Сидней).
ХХV — 2004-ж., (Афина).
ХХVІ — 2008-ж., (Беҗин).
ХХVІІ Олимпиада оюнлири бийил Лондон шәһиридә июль-август айлирида өтиду.
424 рет
көрсетілді0
пікір
