• Һасан-һүсән
• 19 Наурыз, 2019

Меһриван муәллим

Муәллим – шәрәплик кәсип. Униң җапасиға чидиған адәмла бу кәсипни таллавалиду. Муәллим адәмләр қәлбигә меһриванлиқ нурини чачидиған алий пәзиләтлик инсан. Дәсләп һәрип тонутуп, ақ-қарини илға қилишқа үгитип, чоң һаятқа йолланма беридиғанму йәнә шу муәллим. Мениңму мошундақ меһриван, алий пәзиләтлик һәм сөйүмлүк устазим бар. У — Гүлчеһрәм Әкрәмқизи Садировадур. У бизгә уйғур тили вә әдәбияти пәнлиридин дәрис бериду. Муәллимимиз биз, шагиртлириниң, сүпәтлик билим, аңлиқ тәрбийә елишимиз үчүн һармай-талмай әмгәк қилмақта. Сөйүмлүк муәллимимиз һәрбир дәрисни чүшәндүргәндә, биз шу болған вәқиәни яки ата-бовилиримизниң бешидин өткүзгән кәчмишлирини өз көзимиз билән көрүп қайтқандәк һис қилимиз. Гүлчеһрәм Әкрәмқизи пәқәт яш әвлат қәлбигә мәрипәт уруғини сепип келиватқан устаз болупла қалмастин, шундақла иҗадийәт гүлзарида пәрваз қилип келиватқан һәвәскар шаирәдур. У бизниңму иҗадийәткә һәвәс бағлишимизға дәвәт қилип келиватиду. Меһриван муәллимимизниң һәрбир ейтқан сөзлирини мәктәпни тамамлап кәтсәкму, ядимизда әбәдил-әбәт сақлаймиз... Гулинур МИРҒИЯСОВА, Қорам оттура мәктивиниң 11-синип оқуғучиси. Әмгәкчиқазақ наһийәси.