• Һасан-һүсән
• 15 Мамыр, 2019

Баһар – пәсилләр әркиси

Баһар — әң гөзәл пәсилләрниң бири. Соғ қиш айлири кетип, баһарниң келиши билән йәр, худди қаттиқ уйқидин ойғанғандәк, тирилиду. Мән әтияз пәслини наһайити яхши көримән, чүнки әтиязда күнләр иссип, қарлар ерийду, дәрәқләр көкириду һәм қушлар қайтип келиду. Күнләр иссиғанда, апам иккимиз һойлимизға гүлләрниң уруқлирини териймиз. Язда болса, рәңму-рәң гүлләр ечилип, һойлимизға киргән адәмни хошал қилиду. Баһарда мәйрәмләр тола. 1-март – Миннәтдарлиқ күнини тойлисақ, 8-Мартта барлиқ ханим-қизларниң мәйримини нишанлаймиз. 22-март күни болса, улуқ Норуз мәйримини қарши алимиз. 1-Май вә 9-Май мәйрәмлириму бар. Шундақ қилип, биз баһарни мошундақ хошал-хорам қарши алимиз. Сүрийә САБИРОВА, А.Розибақиев намидики 153-мәктәп- гимназияниң 3-синип оқуғучиси. Алмута шәһири.