• Һасан-һүсән
  • 13 Қараша, 2019

Муәллимниң һаятимдики роли

Мәктәпкә дәсләпки қетим барғинимда апам билән дадам маңа: «Мана, әнди мәктәп силәрниң иккинчи өйүңлар, муәллимиңлар иккинчи ата-анаңлар» дегән еди. Йоруқ дунияда тәмтиләп маңғинимизда ата-анам йетәклигән болса, билим дуниясида муәллимим йетәкләп маңди. Бир синипта жигирмидин көп оқуғучи оқусақ, һәрбиримизниң мүҗәз-хулқиму бир-биригә охшимайду. Қабилийитимизму һәрхил. Лекин муәллим һәрбиримизни яхши чүшиниду һәм қәлбимиздә өчмәс орунға егә болиду. Муәллим үчүн «яхши бала», «яман бала» дегән болмайду. Пәқәт шагиртлар болиду. Муәллим һәрбир шагиртиға бар билимини, пүткүл һаятини беғишлайду. Ейтқиниға, үгәткинигә өзи әмәл қилидиған, шагиртиға һәртәрәплимә үлгә болалайдиған муәллимләрниң аброй-инавити наһайити жуқури болидекән. Мениң муәллимим әйнә шундақ инавәтлик инсанлардин. Синипқа киришим билән «Бүгүн муәллимим маңа немә үгитидекин?» дәп үмүт билән униңға қараймән. Шу чағда маңа қанат пүтиду, илһамлинимән. «Қандақ муәллим болса, шундақ оқуғучи, қандақ оқуғучи болса, шундақ келәчәк болиду» дегинидәк, хәлқимизниң, дөлитимизниң келәчигини устаз тәрбийиси бәлгүләйду. Демәк, устазниң қәдир-қиммитини аддий сөз билән йәткүзүш наһайити қийин. Вәтинимиз Қазақстанниң шан-шөһритини келәчәктә дунияға тонутидиған шәхсләр бүгүнки мәктәп партилирида олтарған әвлаттин учум болиду. Дәрисигә бөлүнгән вақитниң тез аяқлишишини күткән муәллимләрдин әмәс, билим нури билән йол көрситәләйдиған муәллимләрдин билим еливатқиним үчүн мәғрурлинимән. Бар ғәйрити, виждани билән хизмәт қиливатқан билим беғиниң бағвәнлиригә миннәтдарлиқ билдүргүм келиду. Әгәр мән кәлгүсидә уларниң әмгигигә лайиқ, вәтинимиз Қазақстанға хизмәт қилалайдиған инсан болуп йетилсәм, муәллимлиримниң ишәнчисини ақлиған болимән. Муәллимниң қатнишиши билән өткән һәрбир күн мениң үчүн мәйрәм! Дилназ АЗАТОВА, М.Яқупов намидики 101-мәктәп-гимназияниң 3-синип оқуғучиси. Алмута шәһири.

53 рет

көрсетілді

0

пікір
Алдыңғы мақала Миллитимниң әйниги
Келесі мақала Ақ йол тиләймиз

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

14 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы