• Спорт
• 07 Қаңтар, 2021

Шәһәр чемпиони аталди

Мәшүр САСИҚОВ,
«Уйғур авази»

Пандемия һәммимизниң алдин-ала түзгән талай иш-реҗилиримизни өзгәртишкә мәҗбур қилди. Буниңдин тәҗрибилик мәшиқләндүргүчи Дилшат Насировниң шагиртлириму истисна әмәс. Униң «ADF» командиси мошу жилниң январь ейида өткән Алмута шәһәрлик чемпионатта чемпион аталсиму, уларни мукапатлаш бүгүнгә қәдәр задила буйримиған еди.
Йеқинда чемпионатниң баш уюштурғучиси, миллий категориялик судья Рустәм Өмәров футболчиларниң мәйданиға келип, уларни тәнтәнилик мукапатлап қайтти. Судья сөзиниң бешида яш футболчиларға иллиқ тиләклирини ейтип, келәчәктә оқуштиму, спорттиму чоң утуқларға йетишигә тиләкдашлиқ билдүрди. Шундақла у шәһәр вә вилайәттин болуп 16 команда арисида чемпион атилишниң асан әмәслигини тәкитләп, бу биринчидин яшларниң футболға дегән иштияқиниң жуқури екәнлигини көрсәтсә, иккинчидин уларни шу дәриҗигә йәткүзгән мәшиқләндүргүчиниң тәҗрибиси билән маһаритиниң нәтиҗиси екәнлигини тәкитләп, дәсләп 2003 – 2004, андин 2005 – 2006-жиллири туғулған футболчиларни сәмимий тәбрикләп, уларға медальларни тапшурди.
Бу күни оюнларда қазиларниң көзигә чүшүп, «Әң яң яхши һуҗумчи» намиға муйәссәр болған Рият Һакимҗанов билән Мурат Бауыржан Пәхрий ярлиқ вә мәхсус соғилар билән тәғдирләнди. Әнди уюштурғучилар чемпионларниң «дәрдини» тола тартқан мәшиқләндүргүчини мукапатлашниму ядидин чиқармапту. Рустәм Өмәров яш чемпионларниң гүлдүрлигән алқишлири астида Дилшат Насировни баһалиқ қол саати билән мукапатлиди.