• Спорт
  • 07 Қаңтар, 2021

Ғалибийитини Қазақстанға беғишлиди

АҚШниң Флорида штатидики Hard Rock Holly казино-меһманханисида өткән бокс кечиниң баш йәкму-йәк җеңидә Қазақстанниң пәхри Геннадий Головкин польшалиқ Камил Шереметани қәрәлдин илгири тиз пүктүрди.

Шөһрәт МӘСИМОВ,
«Уйғур авази»

Бу қетимқи ғалибийитини Қазақстанға беғишлиған жутдишимиз оттура дәриҗилик салмақ категориясидә IBF вә IBO тәхминлири бойичә дуния чемпиони унванлирини утуқлуқ қоғдап қалди. Бу – 38 яшлиқ қариғандилиқ жигитниң кәспий рингта 41-қетим ғалип чиқиши. GGG өз һаятида 36 жәңни нокаут билән аяқлиди. Бир қетим мәғлубийәткә учрап, йәнә бир йәкму-йәктә тәң һесап тиркәлди. У шундақла дуния чемпиони унванини 21 қетим қоғдап, америкилиқ кәспий боксчи Бернард Хопкинсқа тәәллуқ болған рекордни йеңилиди вә кәспий бокс тарихида исмини йәнә бир қетим алтун һәрипләр яздурди.
Геннадий Головкинни Елбасы Нурсултан Назарбаев ушбу ғалибийити билән тәбрикләп телеграмма йоллиса, Дөләт рәһбири Қасым-Жомарт Тоқаев Twitter иҗтимаий тармиғидики сәһиписидә: «Геннадий Головкинни ишәшлик ғалибийити билән тәбрикләймән! Бизниң боксчи оттура дәриҗилик салмақ категориясидә IBF вә IBO тәхминлири бойичә дуния чемпиони унванлирини қоғдап қалди. Гена йәнә бир қетим өзиниң жуқури маһаритини вә ғалибийәткә болған қәтъий хаһиш-ирадисини намайиш қилди. Мәмликәт сениң билән пәхирлиниду!», дегән тәбрик сөзлирини язди.

121 рет

көрсетілді

0

пікір
Алдыңғы мақала Шәһәр чемпиони аталди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

13 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы