• Спорт
• 28 Мамыр, 2021

Биз улар билән пәхирлинимиз

23-24-май күнлири Грузиядә спортниң пауэрлифтинг түри бойичә дуния чемпионати болуп өтти. Мәзкүр чемпионатқа Уйғур наһийәсиниң спортчилири қатнишип, алдинқи үчлүктин көрүнүп, елимизниң шәнини қоғдап қайтти. 

Сабирәм ӘНВӘРОВА,
«Уйғур авази»

Ениғирақ ейтқанда, Раушан Қойшыбаева 67 килограмм салмақ дәриҗисидә І орунға еришсә, Рәхмәтҗан Һәмәев 88 килограмм салмақ дәриҗисидә ІІІ орунға сазавәр болди. Чемпионатқа пухта тәйярлиқ билән атланған спортчилар бу қетимму хәлиқниң үмүтини йәрдә қоймиди. 
2018-жили Япония елидә имканийити чәкләнгәнләр арисида өткүзүлгән пауэрлифтинг бойичә мусабиқидә жутдишимиз Раушан Қойшыбаева – иккинчи, Нодәрҗан Һәмруллаев – үчинчи, Рәхмәтҗан Һәмәев төртинчи орунға муйәссәр болған еди. Әнди улар Грузиядинму шундақ утуқ билән  қайтти. Сөз ахирида чемпионлиримизни новәттики утуғи билән тәбрикләп, давамлиқ алға илгириләп, техиму егиз пәллиләрни беқиндурушиға тиләкдашлиқ билдүримиз. Биз улар билән һәқлиқ рәвиштә пәхирлинимиз!