- 1-март – Миннәтдарлиқ күни
- 29 Ақпан, 2024
Гүллитәйли Қазақстан-елимни!
Бар болғандәк адәмләрниң дост-яви,
Изгүлүкниң болар дайим совави.
Көпқу, достум, яхшилиғиң беминнәт,
Бу шеирим – миннәтдарлиқ җавави.
Қазақ достум, шүкүр қилдим бариңға,
Йөләп кәлдиң тәгмәй виждан-аримға.
Достлуқ күйин яңритисән әсирдин,
Тәңкәш қилип добраңни таримға.
Уйғур болуп туғулсамму аләмгә,
Өзәң пана қулақ салған наләмгә.
Тиздим саңа миннәтдарлиқ сөзүмни,
Илһамимни йорғилитип қәләмдә.
Сәмимийәт даладәк кәң көңлүңдә,
Һисдаш өзәң тойдиму һәм өлүмдә.
Қазақ достум, сән билдүрүп ишәнчә,
Әркин үздүм иҗадийәт көлүңдә.
Пәрвазларға ачтиң, достум, йолумни,
Қәдирләймән мәнму ана тилиңни.
Биллә меңип достлуқ, бирлик йолида,
Гүллитәйли Қазақстан-елимни!
Патигүл МӘХСӘТОВА,
шаирә вә алимә
457 рет
көрсетілді0
пікір