- Таза Қазақстан
- 08 Мамыр, 2024
Учумкарлар көчәт тикти
Елимизниң барлиқ регионлирида бир вақитта «Учумкарлар көчәт тикти» эко-челленджи өтти. Униңға пайтәхттики 82-мутәхәссисләштүрүлгән «Дарын» мәктәп-лицейиниң оқуғучилири билән биллә Маарип министри Ғани Бейсембаев қатнашти.
Тәкитләш лазимки, илгири Қазақстанниң барлиқ билим дәргаһлирида «Өмлүк ейи» айлиғи елан қилинған еди. Униң даирисидә «Таза Қазақстан», «Изгү ишлар», «Тәтилдә китап оқайли» вә башқиму бирқатар җумһурийәтлик акцияләр уюштурулди. Бу тәшәббус яш әвлатни меһриван, сахавәтлик ишларға җәлип қилиш, тәбиәткә болған ғәмхорлуқ, экологиялик мәдәнийәтни қелиплаштурушқа қаритилған. «Экологиялик мәдәнийәт өз өйүңниң, һойлаңниң, кочаңниң, мәктәп вә туғулған шәһәрниң тазилиғини сақлаштин башлиниду. Биз туғулған йеримизгә ғәмхорлуқ қилишимиз керәк. Бүгүн силәр тиккән көчәтләр келәчәктә мошу мәктәпниң оқуғучилири билән биллә көкирип өсиду. Шуниң үчүн уларни пәрвиш қилишимиз шәрт. Шундақ қилип, биз әвлатқа өзимиз һәққидә хатирә қалдуримиз», деди Ғани Бейсембаев.
Қошумчә қилсақ, мәзкүр чарә-тәдбиргә елимиз бойичә 9 — 11-синиплардин 180 миң оқуғучи қатнашти.
9 рет
көрсетілді0
пікір