• Таза Қазақстан
• 08 Мамыр, 2024

«Мөлдүр булақ» һәптилиги

«Таза Қазақстан» җумһурийәтлик экологиялик акцияниң «Мөлдүр булақ» һәптилиги даирисидә Қапчиғай су қоймиси қирғақлирида Қонаев шәһириниң турғунлири шәнбилик өткүзди.
 Мәлумки, Қонаев шәһириниң бәрпа қилиниши Қапчиғай су қоймисиниң селиниши билән зич бағлиқ. Шәһәрниң туристлиқ иқтидарини ашурушта Қапчиғайниң вә униң қирғиғида орунлашқан тиҗарәт орунлири муһим роль ойнайду. Аз күнләрдин кейин бу йәрдә язлиқ дәм елиш мәвсүми башлиниду. Шуңлашқа қирғақларни, тазилап, рәтләш, һаҗәт инфрақурулум билән тәминләш муһим. 
 Шәнбиликкә шәһәр һакими Асхат Бердиханов билән биллә 200 адәм қатнашти, 8 техника җәлип қилинди. Бу күни йоллар, тротуарлар қумдин тазиланди. Нәтиҗидә 10 тонна әхләт чиқирилди. 
«Таза Қазақстан» акциясиниң ахирқи һәптиси Қапчиғайни тазилаштин башланди. Мән әмгәк йолумни Шеңгелдидин башлап, Қонаевта аяқлаштуруп пенсиягә чиқтим. Шуңлашқа бу йәрниң қуми маңа алтундинму қиммәт. Йешим бир йәргә йетип қалғиниға қаримай, шәнбиликкә қатнишиватимән. Барлиқ қазақстанлиқларни тәбиәтни қоғдап, әтрапни таза тутушқа чақиримән», дәйду Қонаев шәһәрлик Ветеранлар кеңишиниң рәиси Амангелди Беспаев.
 Қошумчә қилсақ, шәһәрниң қирғақлирида язлиқ мәвсүмдә 40 ошуқ тиҗарәтчи ишләйду. Улар мәвсүм алдида өзлиригә тегишлик территорияләрни рәткә кәлтүрүши лазим.