Täliyini Evropidin izdäydu

0
525 ret oqıldı

İsmi: Җamaldin. Familiyasi: Hoҗaniyazov. Tuğulğan jili: 1997. Futbol – duniyağa käŋ tariğan sport türi. Uniŋ bilän şuğullinip, duniyağa tonulğan futbolçilarmu yetärlik: Pele, Yaşin, Maradona, Platini, Ronaldu, Messi… Şükri, keyinki jillarda uyğurlar arisidinmu atiği çiqqan häm çiqivatqan futbolçilar yoq ämäs.Şularniŋ biri Daniyaniŋ «Orhus» komandisiniŋ vä Rossiya yaşlar tallanma komandisiniŋ qoğdiğuçisi Җamaldin Hoҗaniyazovtur. U 16 yeşidila kšpçilikkä tonuldi. Rossiya tallanma komandisiniŋ tärkividä 2013-jili šsmürlär arisida štkän Evropa çempionatida ğalip atalğan. 17 yeşida bolsa, uni Rossiyaniŋ daŋliq «Zenit» komandisi täklip qilidu. Talay ataqliq futbolçilar oyniğan bu klubta u kšp närsini ügändi häm futbol muhitidiki äŋ yarqin däqiqilirini štküzdi.

Evropiğa tonulğan mäşiqländürgüçi Spalettidin futbolniŋ qir-sirini egilidi. Eçinişliği, atalğan komandiniŋ rähbärligi keyin yahşi oyun kšrsitip jürgän birqatar oyunçilarni setiveliş üçün, Җamaldinni Rossiyaniŋ başqa komandisiğa – «Amkarğa» vaqitliq «satidu». Nätiҗidä u bu komandida bari-yoqi birla oyunğa qatnişidu. Andin u šziniŋ maharitini tšvänlitip qoymasliq üçün Evropini mähsät qilidu. Şu çağda uniŋğa «kšzi çüşüp» jürgän Daniyaniŋ «Orhus» klubiniŋ rähbärligi täklip qilidu. Җamaldin kelişidu.

Yeqinda Җamaldin Hoҗaniyazov bilän İnternet torida sšhbätlişişkä muyässär bolduq. Sšhbät davamida başqa çät ällärdä yaşavatqan uyğurlarmu uniŋ toğriliq yahşi hävärdar ekänligidin mämnun bolup, muhlisliriğa otluq salimini yätküzdi.

– Daniya çempionati saŋa yaqtimu? – däp soridim uniŋdin.

– Älvättä. Evropida oynaş — härqandaq futbolçiniŋ armini. – däp başlidi u sšhbitini. – Daniya çempionati nahayiti käskin štidu. Qiziq yeri, turlar davamida komandilarniŋ çempionat җädvilidiki orni oylimiğan yärdin šzgirip ketidu. Mäsilän, җädväldä ahirqi orunda turğan autsayder lider komandini yeŋivelişi uçrişip turidiğan ähval. Oyunçilar arisidiki riqabätmu küçlük.

– «Orhusta» uzaq vaqit qalamsän? Yaki…

– «Orhus», rast, yahşi komanda. Lekin, başqa futbolçilar ohşaşla, mänmu šsüşni halaymän. Şuŋlaşqa Evropiniŋ Germaniya, Gollandiya qatarliq mämlikätliriniŋ çempionatlirida oynaşni arman qilimän.

Җamaldin hazir Daniyada yaşavatidu. U yaqniŋ hälqimu uniŋğa käŋ quçaq yaydi. Uyğur jigiti futbol işqivazliriniŋ sšyümlük oyunçisiğa aylandi. İnternettiki uniŋ şähsiy sähipisigä qariğinimda, muhlisliriniŋ uniŋğa bildürgän tiläk-istäklärni kšrüp, hoşal boldum. Җahanğa teriqtäk tariğan hälqimiz väkilliriniŋ mundaq utuq-muvappäqiyätlirigä yetivatqanliğini kšrüp, alahidä mäğrurlandim. Sport alimidä Җamaldinniŋ keläçigi aldida. Һä, bu yolda uniŋğa päqät yahşiliqlar tiläymiz!

Abdulҗan AZNİBAQİEV.

Bälüşüş

Javap qalduruŋ