Ävlat aman, äl sšygän äzizlär yärdä qalmas…

0
120 ret oqıldı

Yeqinda peşqädäm ustaz Rehimҗan aka İliyasov meni šyigä täklip qilip qaldi. Bu, birtäräptin yahşiliqniŋ bälgüsi bolsa, ikkinçidin, u aditi boyiçä, birär yeŋiliq yaki kšŋlidiki oyini meniŋ bilän bšlüşmäkçi.
Kona tarihni varaqlaşni ämäk qilivalğan sšhbätdişim qolumğa kona bir räsimni tutquzdi. Uniŋ eytişiçä, u štkän äsirniŋ 1953-jili çüşirilgän ekän.
– U çağda yezimizdiki mäktäp «Molotov namidiki kolhozniŋ 7 jilliq mäktivi» däp atilatti, – däp štmüştin sir çäkti Rehimҗan aka. – Monu aldinqi qatarda oltarğanlar asasän şu çağdiki ğäyrätlik oquğuçilar. Otturidiki qatarda oltarğanlarniŋ hämmisi muällimlär, İsmayil İbdiminov (soldin oŋğa), Üzär İbdiminov, Häyrinsäm Musaeva, Sidiq Ğapparov vä Adil Mähsütov. Ahirqi qatardikilär hoşna Qizilşäriq vä Dehan yezisidin kälgän balilar.
Ändi bu sürätni elan qilivatqinimizniŋ sävävi, sürättiki oquğuçilarniŋ kšpçiliginiŋ isim-näsibiliri eniq ämäs. Bälkim, sürättin šzini tonup-bilgän kişilär tepilip qalsa, häҗäp ämäsqu. İsmi atalğan ustazlardin hazir heçkim hayat ämäs. Ularniŋ iş-paaliyiti eğir jillarğa toğra käldi. Uruştin keyin älniŋ äŋli ändi yamilip kelivatatti. Şundimu šz käspini җan dili bilän sšygän äzimätlär ävlat tärbiyiläş yolida ästaidil ämgäk qildi. Aka-uka İsmayil vä Üzär İbdiminovlar bilän Sidiq Ğapparov uruş veteranliri. Ölüm hidini tartqan җäŋgivar jigitlärniŋ jüräkliri miŋliğan mäydandaş dostliriniŋ qazaliridin keyin moҗulsimu, täğdir tänisigä boysunmidi. Älni düşmändin azat qilğan atilarğa keyin ävlat boyidiki savatsizliqtin «azat» qiliş väzipisi jükländi vä uni şäräplik atqurup çiqti. Şanliq yoli bilän ämgäk-tšhpisi šz vaqtida bahalinip, tegişlik hšrmätkä bšländi. Vapatidin keyin muällimlärdin Üzär İbdiminov bilän Sidiq Ğapparov namida koçilar ataldi. Şundaqla yezimizdin çiqqan däsläpki muällimlärniŋ biri bolğan İsmayil İbdiminovniŋmu namida birär koça atalsa, nur üstigä nur bolar edi. Bu bolsimu, jutdaşlirimizniŋ uruş häm ämgäk veterani İsmayil İbdiminovqa qilğan hšrmät bälgüsi bolar edi.
– Ğäyrät yezisida eçilğan däsläpki mäktäp hulini salğuçilarniŋ biri vä uniŋ mudiri İsmayil aka İbdiminovniŋ tuğulğiniğa kelär jili 110 jil tolidu. Älvättä, biz sänäni dağduğiliq nişanlap štkinimiz toğra. Şundaqla mäktivimizdä birär sinipqa İsmayil aka İbdiminovniŋ namini bärsäk, uniŋ rohi tehimu huş bolar edi, – däp šz pikrini bildürdi Rehimҗan aka şu küni meniŋ bilän hoşlişiş aldida.
Mana moşundaq älgä hizmiti siŋgän, zamanniŋ qiyinçiliğiğa qarimay, yaş ävlat tärbiyisigä barliq küç-ğäyritini särip qilğan äҗdatlirimiz rohiğa tazim qiliş vä ularniŋ ismini äbädiyläştürüş – bizniŋ muqäddäs borçimizdur. Demäk, ävlat aman, älni sšygän äzimätlär yärdä qalmas…

Abdulҗan AZNİBAQİEV.
Ämgäkçiqazaq nahiyäsi.

Bälüşüş

Javap qalduruŋ