Уйғур мәктивидин учум болғанлар

Мәрүпҗан — Назарбаев Университетиниң түлиги

marup

Яркәнт шәһиридики Йәттису мәһәллисиниң турғунлири Камал вә Ниязгүл Семәтовлар бу мәһәллидила әмәс, бәлки Яркәнт тәвәсидә үлгилик аилиләрниң бири сүпитидә тилға елиниду. Бу аилиниң бәш пәрзәнди бар, йәнә келип һәммиси оғул балилар. Уларму ата-анисиға охшаш ишләмчан,  меһриван, шундақла билимлик инсанлардин болуп йетилди.

Билимгә иштияқ

Saadat

Саадәт Һошурова (сүрәттә) 2008-жили Қаратуруқ оттура мәктивиниң 9-синипини әла баһаларға тамамлап, Яркәнт гуманитарлиқ-техникилиқ колледжида оқуди. Андин Абылайхан намидики Қазақ хәлиқара мунасивәтләр вә дуния тиллири университетиниң инглиз вә француз тиллири факультетида тәһсил көрди. Атап кетиш орунлуққи, Саадәт һәм колледжда, һәм университетта дөләт гранти һесавиға билим елип, һәр иккилисини қизил диплом билән тамамлиди.