Yanğan çiraqlar šçmäydu

0
660 ret oqıldı

Bu Yarkänttiki mädäniyätlik, hämmä yaqtin ülgilik aililärdin edi. Är-ayal ikkisi ohşaşla aliy mälumatliq, hizmiti җähitidin bir-birigä maslişip, bir-birini toluqturup jürgänligi bilän jutdaşliri häväs qilip, ülgä alatti. Äpsuski, här ikkisi hayattin ätigän kätti. Roşidin aka Haliqov 65tä, Aliyäm hädä Tayirova bolsa, bari-yoqi 56 yeşida alämdin štti. Şuŋlaşqimu yarkäntliklär ularni çoŋqur eçiniş vä škünüş bilän äskä alidu.

Aliyäm Ömär qiziniŋ vapatiğa 22-mart küni 20 jil boldi. Uniŋ äsli tegi-täkti Uyğur nahiyäsiniŋ Dolata yezisidin bolup, 1936-jili 23-mart küni duniyağa kälgän ekän. Täsadipimu, yaki başta peşanisigä yezilğini şundaqmu, iş qilip, baharniŋ bir huş küni duniyağa kšz eçip, şu küni kšz jumdi. Ottura mäktäpni tamamlap, qoliğa kamalätlik şahadätnamä alğandin keyin, Abay namidiki Almuta pedagogika institutiniŋ rus tili vä ädäbiyati fakul'tetiğa oquşqa çüşüp, uni äla bahalar bilän tamamlaydu.

Aliy mälumatliq pedagogniŋ ämgäk paaliyiti Panfilov nahiyäsidä başlinidu. 1959-jilidin tartip, ikki jil davamida Yarkänt şähiridiki İ.Altınsarin namidiki qazaq ottura mäktivi yenidiki internatta tärbiyiçi bolup işläydu. Däsläpki künlärdin başlapla šz işiğa ästaidil kirişip, iҗadiy izdiniş bilän ämgäk qilidu. 1961-jili nahiyälik maarip bšlümi täripidin hazirqi H.Һämraev namidiki uyğur ottura mäktivigä ilmiy mudir bolup işqa orunlişişi yaş pedagogniŋ aridin štkän äşu qisqa vaqit içidä šziniŋ iҗabiy җähätliri bilän alahidä päriqlinip, kšzgä çüşkänliginiŋ nätiҗisidur.

Mälumki, mäzkür bilim därgahi tävädiki oqutuş taza ana tilimizda jürgüzülidiğan, uzun tarihqa egä çoŋ mäktäp. Şähärdin taşqiri, bir qatar yezilarniŋ balilirimu 8-sinipni tamamliğandin keyin, oquşini moşu yärdä davamlaşturidu. Şuniŋ üçünmu muällimlär kollektiviğa jüklinidiğan väzipilär käŋ dairilik häm muräkkäp. Bari-yoqi ikki jilliq iş-täҗribisi bar Aliyäm Ömär qiziğa moşundaq bir şaraitta işläşkä toğra kelidu. Tirişçanliği, işqa bolğan җavapkärlikni çüşinidiğanliği, äŋ muhimi, adämlär bilän til tepişip ketäläydiğanliği nätiҗisidä däsläpki künlärdin tartipla kollektivqa šzlişip, siŋişip ketidu. Siliq-sipayiligi, muamilä qiliş mädäniyitiniŋ üstünlügi arqiliq çoŋ-kiçikniŋ diqqät-etivarini җälip qilidu. Muällimlär arisidiki sağlam käypiyat bilän iҗadiy muhitni yänimu mustähkämläşkä tegişlik hässisini qoşidu.

1974-jili täşkiliy qabiliyiti bar, salahiyätlik mutähässis Aliyäm Ömär qizi nahiyälik partiya komitetiğa instruktor bolup hizmätkä yštkilidu. On tšrt jil җäriyanida säyasiy maarip kabinetiniŋ, täşviqat-tärğibat bšlüminiŋ başliği, täşkiliy bšlüm başliğiniŋ orunbasari qatarliq hizmätlärni heç bir kamçiliq-nuqsansiz atquridu. Һayatiniŋ ahirqi jillirida salamätligigä bola, nahiyälik maarip bšlümidä metodist bolup işläydu.

Qäyärdila bolmisun, šziniŋ adil ämgigi bilän sämimiy hšrmät-ehtiramğa bšlinip jürgän bir päyttä, yäni 1992-jili qan besimi ağriğidin tuyuqsiz kšz jumidu. Arqisidin yaldama bolup qalğan ikki pärzändi aliy mälumat elip, bügünki kündä hayattin šzliriniŋ munasip ornini tapti. Mäsilän, oğli Viliyan «Yarkänt krahmal-şirnä zavodiniŋ» baş mudiri, qizi Gšzäl bolsa, Almuta şähiridä vraç-stomatolog bolup işlävatidu. Tšrt nävrisiniŋ üçi universitetlarni pütirip, här hil sahalarda hizmät qilivatidu. Demäk, Aliyäm hädä bilän Roşidin akilar yandurğan çiraqlar šçmäydu vä buniŋdin keyinmu şundaq bolup qalivärgüsi.

NurähmätÄHMÄTOV.

Yarkänt şähiri.

 

Bälüşüş

Javap qalduruŋ