Keläçigidin ümütländüridu

0
784 ret oqıldı

Almuta şähiriniŋ «Aynabulaq-3» mikrorayonida istiqamät qilivatqan jutdaşlirimiz Şämil vä Adalät Tayirovlarniŋ oğli Äzimҗan täŋtuşliridin bšläkçä qabiliyiti bilän päriqlinidu. Şähärdiki 110-mäktäp-gimnaziyaniŋ mäktäp aldi täyyarliq sinipida bilim elivatqan gšdäkniŋ müҗäzi yumşaq, jugaç häm qäğişligimu yoq. Uniŋ bir alahidiligi — duniya älliriniŋ bayraqliri bilän çegarilirini hatirisi boyiçä sizişni bäk yaqturidekän.

— İkki yeşida oğlum barliq avtomobil'larniŋ markisini päriq qilatti, — däydu Şämil. – Üç vä tšrt yaşlar ariliğida u säyyarilarni,  qit°älärni, duniya dšlätliri bilän ularda yaşavatqan millätlär, ularniŋ sani vä rähbärliriniŋ isimlirini yadqa eytidiğan boldi. Balilar bağçisiğa biraz vaqitla bardi. Çünki, ariliqta ağrip, şuniŋ banisi bilän bağçiğimu barmaydiğan boldi. Andin bağçä muhitiğa šzimu qiziqip kätmidi. Oquşqa qiziqişi üstün bolğaçqa, yeziş vä oquşni šydila ügättuq. Astronomiya vä matematikiğa kšp qiziqidu. Ändi geografiyagä bolğan häväsi bšläkçä. Globusni  zerikmäyla üginidu. Biraq, oğlumniŋ bu qabiliyiti häqqidä җar selişni yaqturmaymän. Mümkin, bu vaqitliq hadisidu, kim bilidu?

Şämilniŋ eytişiçä, anisi Heliçäm Sasiqova Ğalҗat ottura mäktividä geografiya päniniŋ muällimi bolup işligän ekän. Şuŋlaşqa u oğliniŋ märhum momisiğa tartqanmekin däp oylaydu. Geografiya pänini çoŋqur üginivatqan oğliniŋ tehi oyun balisi ekänligini täkitligän ata-anisi  Äzimҗanğa hazirçä mäktäp programmisidin taşqiri bilimniŋ haҗätsiz ekänligini eytişidu. Sävävi, uniŋ keläçigi tehi aldida. Amma, mäktäptä äla bahağa oquvatqan gšdäkniŋ ihtidarini bayqiğan muällimlärniŋ pikriçä, Äzimҗanni qabiliyätlik balilar bilim alidiğan mähsus mäktäptä oqutuş lazim. Çünki, uniŋ bilim vä qabiliyät däriҗisi šz täŋtuşliridin birnäççä hässä juquri.

Öz novitidä biz Äzimҗanniŋ keläçäktä hälqimizniŋ arzuluq oğlanliri sepidin kšrünüşigä tiläkdaşmiz.

 Mahmut İSRAPİLOV.

Bälüşüş

Javap qalduruŋ