Küçlüklär eniqlanmaqta

0
497 ret oqıldı

Braziliyadä štüvatqan futbol boyiçä duniya çempionati  toğriliq gezitimizniŋ  štkän sanida elan qilinğan maqalimizğa  «Kütülmigän nätiҗilärni elip käldi», däp särlävhä qoyğanliğimizni uniŋğa qatnişivatqan komandilar «qollap-quvätligändäk» täsirat päyda qilivatidu. Һäqiqätänmu,mäsilän,    «B» topida oyun kšrsitivatqan ämäldiki çempion  İspaniya tallanma komandisiniŋ  däsläpki ikki uçrişiştila Gollandiya (hesap –1:5), andin keyin Çili komandiliridin (0:2)  mäğlubiyätkä uçrap, birinçilik bilän üzül-kesil hoşlişidiğanliği, äŋ eçinarliği,toptin çiqmay turupla, çempionluq vakalätligini saqit qilidiğanliğini «Qizil furiyaniŋ» äŋ pessimist işqivazliriniŋ uhlisa çüşigimu kirmigändu, bälkim. Visente del' Boske şagirtliriniŋ üçinçi turda Avstraliya komandisini 3:0 hesavi bilän yeŋişi päqät çempionat statistikisi  üçünla haҗät bolup qaldi.

«D» topida oyun kšrsätkän Angliya futbolçiliri toğriliqmu şundaq deyişimiz mümkin. İnglizlar däsläp İtaliyadin (1:2), ikkinçi uçrişişta Urugvaydin (1:2) yeŋilip qelip, šylirigä qaytişqa mäҗbur boldi. Bu topta Kosta-Rika komandisi häqiqätänmu hazirçä heçkim kütmigän nätiҗilärni qolğa kältürmäktä. Ular däsläpki ikki uçrişiştila Urugvay (3:1) häm İtaliya (1:0) komandiliri üstidin ğalip çiqti vä šz topida birinçi orunni egiläp, çempionatniŋ 1/8 qismiğa yollanma aldi.

Şundaqla Lionel' Messi başliğan argentiniliq jigitlärniŋmu İran futbolçiliriniŋ därvazisiğa sud'ya qoşup bärgän vaqittila bir poŋzäk kirgüzüp, uçrişiş täğdirini šzliriniŋ paydisiğa häl qilğanliğimu  heçkim kütmigän nätiҗä boldi.

İlgärki keŋäş käŋligidin Braziliyadä štüvatqan çempionatqa qatnişivatqan Rossiya tallanma komandisiniŋ Җänubiy Koreya vä Bel'giya komandiliri bilän štküzgän uçrişişliri päqät rossiyaliklärniŋla ämäs,bälki MDҺ älliridiki futbol işqivazliriniŋ kšŋlidin çiqalmidi. Hoşnilirimizniŋ bu ikki komanda bilän qandaq oyniğanliğini vä uçrişişlarniŋ qandaq nätiҗä bilän ayaqlaşqanliğini silär bilisilär.Şuŋlaşqimu ularğa täpsiliy tohtilişniŋ haҗiti yoq, däp oylaymiz. Rossiya komandisiniŋ  çempionatniŋ 1/8 qismiğa çiqip-çiqmasliği Aljir komandisi bilän štküzidiğan matçqa bağliq. Kim bilidu, aval problema päyda qilivelip, andin keyin uni bar küçini säpärvärlikkä kältürgän halda birtäräp qilişqa «adätlinip» qalğan rossiyaliklär šzliriniŋ nemigä qabil ekänligini toptiki ahirqi oyunida kšrsätmäkçi bolğandu.

Qisqisi, bu qetimqi duniya çempionati šziniŋ kütülmigän nätiҗiliri bilän bizni «undaq boluşi mümkin ämäs», degän ibaridin vaz keçişkä mäҗburlidi, däp işäşlik täkitläşkä  bolidu. Sävävi, härbir yeŋi oyun  küni biz kütmigän yeŋi-yeŋi vaqiä-hadisilärni hädiyä qilip, bäzilirini eçindursa, yänä birliriniŋ qälbidä mäyrämlik käypiyat hasil qilmaqta. Mundaq käypiyat çempionatniŋ pley-off qismidimu saqlinidiğanliği talaşsiz. Çünki hazirçä finalniŋ 1/8 qismida Braziliya — Çili, Gollandiya — Meksika, Kosta-Rika — Grekiya, Kolumbiya — Urugvay uçrişidiğanliği mälum. Bu vä çempionatniŋ pley-off qismiğa çiqidiğan başqa komandilar bizgä yänä «kütülmigän nätiҗilärni» elip kelişi mümkin.

Gezitimizniŋ mäzkür sani qoliŋizğa täkkändä E vä F topliridiki ahirqi tur oyunliriniŋ nätiҗiliri mälum bolidu. Bu toplardin hazirniŋ šzidila pley-offqa yollanma alğan Frantsiya bilän Argentina komandiliriğa yänä kaysi ikki tallanma komandiniŋ qoşulidiğanliğimu futbol işqivazlirida alahidä qiziqiş päyda qilivatidu.

Bügün G vä H toplirida hämmä närsä eniq bolidu. Bizniŋ şimaliy hoşnimiz — Rossiya tallanmisi Alҗir bilän küç sinişidu.

Şšhrät MÄSİMOV.

Bälüşüş

Javap qalduruŋ