Äsir yaşiğan aniniŋ şatliği

0
758 ret oqıldı

Gülümsahan aniniŋ bügün käypiyati üstün, şatliğida çäk yoq. Jiraq-yeqindin uruq-tuqqanlar, nävrä-çävrilär kelip aniniŋ tävärrük qollirini sšyüp, tävälludi bilän täbrikläşmäktä. Holum-hoşnilar bilän jutdaşlarniŋmu ayiği üzülär ämäs. Һä, Gülümsahan ana ularniŋ anilirini kšrgän, yeqindin arilaşqan. Şuŋa bolsa keräk, u hazir hämmisiniŋ anisi. Sahiphanlar Mahmut aka bilän Һaҗiräm hädä jutqa çoŋ dästihan yeyivatidu. Gülümsahan aniniŋ hšrmitigä. Һä, ana bügün yüz yaşqa toldi.

Kiçik Aqsu yezisida duniyağa kälgän aniniŋ hatirisidin helä närsilär kštirilip qaptu. Änҗanda biraz vaqit oqup, qaytip kälginini eçinişliq ilkidä äsläp štkän ana äşu bir armininiŋ royapqa çiqmiğinidin äpsuslinidu. Biraq «Şäriq» däp atalğan kolhozniŋ hulini salğan tügmänlik İdmaräk Mollaşev bilän ailä qurğanliğini vä şu jilliri keçä-kündüz iş bilän bänt bolğanliğini seğiniş bilän äsläydu.

Sotsialistik tüzümni güllätkän yeza adämliriniŋ adilanä ämgigi häqqidä qançä eytsaqmu, sšz tügimäydu. İşsiz, boş jürgän adämni uçritiş mümkin ämästi, u päyttä. Һayat şundaq štüvatqinida uruş başlinip ketip, ärlär mäydanğa atlinidu. İdmaräk ata  Dnepropetrovsk şähiridä kiçik komandirlarni täyyarlaydiğan kursni pütirip, rotiniŋ säyasiy rähbiri süpitidä säpdaşlirini talay qanliq җäŋlärgä başliğan. Uruş ayaqlişay degändä eğir җarahätlängän u ana jutqa qaytip kelip, egiliktä ämgäk qilidu. Uruş pütüp, mähsus bilim alğandin keyin zootehnik, agronom bolup işläydu. Gülümsahan ana bolsa, yezidiki ayallar bilän Ğalibiyät üçün tär tškti. Partiya äzaliğiğa qobul qilinğan u  nahiyälik seliq komitetida, keyinki jilliri balilar bağçisida hizmät qildi. Şundaq işläp jürginidä eğir ağrip, helä jil ämgäkkä yaramsiz bolup qalidu häm şu tüpäyli pensigä çiqidu.

1983-jili İdmaräk ata 75 yeşida duniyadin štti. Çoŋ oğli Mahmut aka ailä şaraitiğa bağliq anisini Çonҗa yezisiğa kšçürüvalidu.

«Kšŋlümgä azar berip, qaqti-soqti işlar bolğan bolsa, moşu yaşqa kelärmidim? Meni aliqinida alma qilip kštirip, güldäk beqivatqan balilirimdin razimän. Män bähitlik animän. Şu bähitni hudayim balilirimğimu äta qilsun!» däp dua bärdi şu küni ana.

Toğra, aniniŋ qädrigä yätkän pärzäntlärgä apirin! Aniniŋ şatliğida ularniŋ äҗri bar.

Mahmut İSRAPİLOV.

Uyğur nahiyäsi.

Bälüşüş

Javap qalduruŋ