«Qazaqstan jurnalistikisiniŋ bügüni häm keläçigi»

0
926 ret oqıldı

Änҗuman/ Tünügün Äl-Farabi namidiki Qazaq Milliy universitetiniŋ ilmiy kitaphanisida zamaniviy jurnalistika mäsililirigä beğişlanğan «Baş muhärrirlär klubi» җämiyätlik birläşmisiniŋ uyuşturuşi bilän «Qazaqstan jurnalistikisiniŋ bügüni häm keläçigi» mavzusi astida ilmiy-ämäliy konferentsiya bolup štti. Uniŋğa җumhuriyitimizdä paaliyät elip berivatqan birtürküm ammiviy ähbarat vasitiliriniŋ rähbärliri, QazMUniŋ oqutquçiliri bilän jurnalistika fakul'tetiniŋ studentliri iştrak qildi.

Konferentsiya başliniştin ilgiri «Baş muhärrirlär klubi» җämiyätlik birläşmisi bilän Qazaq Milliy universiteti arisida qazaqstanliq jurnalistika sahasini täräqqiy ätküzüş vä qabiliyätlik jurnalistlarni täyyarlaş boyiçä tüzülgän memorandumni imzalandi. Andin «Baş muhärrirlär klubiniŋ» räisi Bibigül Jeksenbay sšz elip mäzkür baş qoşuşniŋ asasiy mähsät-muddiasiğa qisqiçä tohtilip štti.

Şuniŋdin keyin sšz novitini alğanlar «Qazaq ädebieti» gezitiniŋ baş muhärriri Jumabay Şaştayulı, «Qazaq gazetteri» җavapkärligi çäklängän yoldaşliğiniŋ baş mudiri —  Muhärrirlär keŋişiniŋ räisi Jumabek Kenjalin, Qazaqstan Jurnalistika akademiyasiniŋ prezidenti, tarih pänliriniŋ doktori Sağımbay Qozıbaev vä başqilar bügünki alämşumullaşturuş dävridä, ähbarat tarqitiş sahasiniŋ tamamän başqa yšnilişkä qarap bät alğanliğini vä şundaqla yaş jurnalistlarni täyyarlaşta orun elivatqan ayrim çälkäşliklärniŋ mätbuat sahasiğa kšrsitivatqan sälbiy täsirini alahidä täkitlidi. Mäsilän, bu häqqidä S.Qozıbaev mundaq pikirni otturiğa qoydi:

— İlgiri jurnalist mutähässisligi boyiçä kadrlar 80 jilliq tarihi bar QazMUda täyyarlanğan bolsa, bügünki taŋda bu җähättin mutähässis täyyarlaydiğan bilim därgahliriniŋ sani 23kä yätkän — dedi professor Sağımbay Qozıbaev. Ändi ularniŋ studentlarğa berivatqan bilim süpitiniŋ qançilik däriҗidä ekänligini täsävvur qiliş täs ämäs. Şuniŋ nätiҗisidä heçqandaq җavapkärlikni hšddisigä almaydiğan vä zamaniviy tehnologiyalärni paydilinip, päqät juquri reyting hasil qiliş bilän kšpiräk mäbläğ mäsilisini kšzläydiğan jurnalistlarniŋ kšpiyip kätkänligi bizni bäk eçinduridu.

Buniŋdin taşqiri konferentsiya qatnaşquçiliri jurnalistika fakul'tetida bilim elivatqan studentlarni minnätlik türdä ämäliy iş-täҗribidin štküzüş arqiliq, ularni iҗadiy işläşkä adätländürüş keräkligini häm bilim bärgüçilär bilän iş bärgüçilär arisidiki alaqini üzmäy, bamäslihät iş jürgüzüp Qazaqstan jurnalistikisini rivaҗlanduruşqa bolidiğanliğini alahidä qäyt qilişti.

Mäşür SASİQOV.

Bälüşüş

Javap qalduruŋ