Ata mäslihiti bilän

0
804 ret oqıldı

Kšktal yezisidiki «Kärim» җavapkärligi çäklängän yoldaşliği nahiyädä tiҗarät sahasi boyiçä täşkil qilinğan däsläpki qurulumlardin bolup hesaplinidu. Bu işni aliy bilimlik injener-mehanik, ilgiri moşu yeziniŋ nami bilän atalğan sovhozda šz mutähässisligi boyiçä ämgäk qilip, işbilärmänligi häm tädbirçanliği bilän kšzgä çüşkän Abliz Sufiyanov qolğa alğan edi. Sšzara şuni eytip ketiş keräkki, uniŋ mundaq dadil qädäm besişiğa atisi Kärim birdin-bir säväpkar boldi. Çünki märhum Uluq Vätän uruşiğa qatnişip, qanliq җäŋ mäydanlirida talay issiq-soğlarni beşidin štküzüp, jutqa aman-esän qaytip kelip, qiriq jilliq hayatini moşu sovhozda işlidi. May zavodida inspektor, qoyma başliği, brigadir, ferma başliği vä egilik mudiriniŋ orunbasari qatarliq hizmätlärni şäräp bilän atqurup, yeza egiligi işläpçiqirişi boyiçä mol täҗribä toplidi. Zamanniŋ šzgirişigä qarap, pärzäntliriniŋ iş-paaliyitigä toğra yšniliş berip, istiqballiq iş-oqätni qolğa elişiğa türtkä boldi.

Atiniŋ äqil-mäslihiti bilän iş başliğan Abliz däsläpki päytlärdä qändälät mähsulatlirini işläpçiqiriş, sütni qayta işläş, kšmüqonaq šstürüş vä başqimu işlar bilän mäşğul boldi. Yeŋi iş orunliriniŋ eçilip, jutdaşliriniŋ ämgäk qilişiğa imkaniyät yaratti.

Şundaq qilip, mäslihätlik häm hämkarliq bilän başlanğan tiҗarät vaqit štkänsiri rivaҗlinip, iҗabiy nätiҗisini berişkä başlidi. Yoldaşliqniŋ paaliyiti turaqlişip, ihtisadiy җähättin täräqqiy etivatqanliği äynä şuniŋ ispati.

Bügünki kündä bu yärdä asasän näsillik quş šstürüş yolğa qoyulğan. Tohu ğaz vä šdäk šstürülüp, süpätlik mähsulat yetiştürülüvatidu. Ularniŋ besim kšpçiligi aniliq bolup, mähsuldarliği häm çapsan šsüp, yetilidiğanliği bilän päriqlinidu. Buniŋdin tšrt jil ilgiri broyler tohular — Gollandiyadin, šdäk Başqurstandin, ğaz bolsa, Baqanastin kältürülgän edi. Һazir ularniŋ Yarkänt täväsiniŋ şaraitiğa layiqlaşturulğan näsli yetiştürülüp, kšp çiqimğa uçrimay, qatarğa qoşuluvatidu. Şuni eytiş keräkki, quş egiliginiŋ qaidilirigä toluq riayä qilinip, iş jürüzülüvatqaçqa, mähsulatniŋ süpiti heridarlarniŋ tälivini qanaätländürüvatidu. Buniŋğa här  jili 150 — 170 tonna quş gšşiniŋ yetildürülüvatqanliği yahşi misal bolalaydu. Yeŋi jildin tartip quş šstürüş bilän şuğullanğuçilar üçün tuhum vä җüҗilärni setiş qolğa elinmaqçi.

Yoldaşliq paaliyitini asasiy җähättin quş egiligi täşkil qilsimu, başqa sahalarniŋ çättä qelivatqini yoq. Mäsilän, helä jillardin beri navayhana qiş-yezi tohtimay işläp kelivatidu. Tävlügigä bir tonna nan-toğaç yeqilip, dšlät mähkimiliri kollektivliri arisida taritilivatidu. Çarviçiliqnimu ästin çiqarmay, moşu künlärdä yüz baş qara mal beqilmaqta. Buniŋdin taşqiri, 150 gektar yärdä kšmüqonaq šstürülüp, uniŋdin elinivatqan hosul içki ehtiyaҗ üçün särip qilinivatidu.

Yoldaşliqta ällik adäm iş bilän täminlängän. Ularniŋ ayliq iş häqqi šz vaqtida berilivatidu häm maddiy-mäniviy җähättin räğbätländürülüp kälmäktä. Bu «Tiҗarätniŋ yol häritisi — 2020» dšlät programmisiğa izçil riayä qilinivatqanliğiniŋ ispatidur.

Biz yoldaşliqniŋ häyrihahliq paaliyiti bilänmu tonuştuq. Gärçä, bu häqtä Abliz Kärim oğli ätrapliq tohtalmiğan bolsimu, yeziniŋ baş jigitbeşi Rähimҗan Yaqupovtin nurğun yahşi gäplärni aŋliduq. Mäsilän, jut bilän hämnäpäs yaşap, maddiy җähättin yardäm kšrsitiş — kollektiv üçün qeliplaşqan adätkä aylinip qalğan ekän. Bolupmu veteranlar bilän täminati naçar aililärgä härqaçan yar-yšläk bolup kelivetiptu. Һazir muştiri toplaş işiğa җavapkärlik bilän qarap, kšktalliqlar arisida «Uyğur avazi» geziti bilän başqimu näşirlirimiz oqurmänliriniŋ kšpiyişigä maddiy җähättin yardämlişip, tegişlik hässisini qoşuvatqanliğini atap štkän orunluq.

Nurähmät ÄHMÄTOV.

Panfilov nahiyäsi.

Sürätlärdä: «Kärimniŋ» tirikçiligi äynä şuniŋdin ibarät.

Bähtişat SOPİEV çüşärgän sürätlär. 

Bälüşüş

Javap qalduruŋ