Meditsiniliq märkäz eçildi

0
542 ret oqıldı

Yeŋi jil harpisida yarkäntliklär ästä qalarliq yeŋiliqniŋ guvaçisi boldi. Çünki şähärdä ailäviy meditsiniliq märkäz qäd kštirip, paydilinişqa berildi. «Nuri-Med» däp atilidiğan mäzkür davalaş mähkimisi Yarkäntniŋ «Yeŋi quruluş» mähällisidä eçilğanliğiniŋ šzi diqqätkä sazavärdur. Undaq bolğini, mähällä keyinki jillarda bärpa bolup, ahalisi jildin-jilğa kšpiyivatidu. Şuniŋğa qarimastin, meditsiniliq hizmät kšrsitiş orunliri yoqniŋ ornida edi. Märkäz äynä şu boşluqni toltiriş yolidiki däsläpki qädäm boldi.

Turğunlarniŋ kšŋlidin çiqqan bu şäräplik işni aliy bilimlik vraç, Almutidiki 12-ağriqhanida helä jillar işläp, mol täҗribä topliğan Ähmätҗan Mäŋsürov ämälgä aşurdi. U «Tiҗarätniŋ yol häritisi — 2020» dšlät programmisiğa benaän, җumhuriyätlik «Damu» fondidin tegişlik mšlçärdä nesiyä elip, zamaniviy ülgidä selinğan häm davalaşniŋ äŋ ilğar äsvap-üskiniliri bilän җabduqlanğan mähkimini jutdaşliriğa havalä qildi.

Märkäzniŋ eçiliş märasimiğa nahiyä rähbärliri bilän käŋ җamaätçilik väkilliri qatnaşti. Nahiyä hakimi Berdäulet Abduldaev mundaq häyirlik işni qolğa alğan Mäŋsürovlar ailisigä şähärliklär namidin minnätdarliq izhar qilip, Ähmätҗan Nuri oğli başquridiğan aqhalatliq hadimlarniŋ kälgüsi iş-paaliyitigä muvappäqiyätlär tilidi. Şundaqla nahiyälik märkiziy ağriqhana baş vraçiniŋ orunbasari Murat Muhametjanov, Sotsialistik Ämgäk Qährimani Adalät Zäynavdinova, nahiyälik tiҗarätçilärni qollap-quvätläş märkiziniŋ mäslihätçisi Nesihan Jazilbekova vä başqilar yeŋidin şäkillinivatqan kollektivqa aq yol tilidi. Şuniŋdin keyin Berdäulet Eşen oğli, Adalät Zäynavdinova vä  başqimu jut mštivärliri täripidin rämzlik lenta qiyilip, märkäz räsmiy türdä eçildi.

Nurähmät ÄHMÄTOV.

Yarkänt şähiri.

Tursunmähämät Mäşürov çüşärgän sürät.

Bälüşüş

Javap qalduruŋ