«Bolaşaq» programmisi yeŋilinidu

0
167 ret oqıldı

2016-jildin tartip Qazaqstan Җumhuriyiti Prezidentiniŋ «Bolaşaq» häliqara programmisi «100 eniq qädäm» Millät planini ämälgä aşuruşqa nişan qilinğan yeŋi bäş jilliq plan boyiçä işläydu. 2016 — 2020-jillarğa bälgülinip, kadrlarni çät ällärdä täyyarlaş boyiçä җumhuriyätlik komissiya täripidin maqullanğan yeŋi täräqqiyat plani  birqatar yeŋiliqlarni kšzdä tutidu. Ular qandaq yeŋiliqlar? Bu toğriliq Märkiziy kommunikatsiyalär hizmitidä bolup štkän mätbuat konferentsiyasidä Bilim vä pän ministrligi «Häliqara programmilar märkizi» aktsionerliq җämiyitiniŋ prezidenti Ğani Nığımetov çüşänçä bärdi.

— Qazaqstan Җumhuriyiti dšlät kativiniŋ tapşurmisi boyiçä «Bolaşaq» programmisi işiniŋ nätiҗidarliğini tählil qiliş, şundaqla  ottura muddätlik istiqbalda nätiҗidarliq täräqqiyat yoliğa çiqiş üçün asasiy  problemilarni eniqlaş boyiçä çoŋ iş jürgüzüldi, —  däp täkitlidi Ğani Nığımetov. — Nätiҗidä Bilim vä pän ministrligi Häliqara programmilar märkizi bilän birliktä tegişlik bäş jilliq täräqqiyat planini täyyarlidi.

Millät planida kšzdä tutulğan väzipilär nuqtäiy näzäridin ümütkarlarni tallaveliş, stajirovkidin štküzüş nätiҗidarliğini aşuruş, şundaqla stipendiatlar bilän «Qazaqstan — 2050» Strategiyasini vä «Mäŋgülük Äl» ideyasini ämälgä aşuruş boyiçä işni җanlanduruş programmini yeŋilaşniŋ asasiy yšnilişliridin hesaplinidu.

Җümlidin ingliz tilini biliş tälivi küçäytilidu, 2016-jildin tartip  ümütkarlarniŋ barliq kategoriyasi üçün zšrür bolğan iş staji ikki jilğiçä kšpäytilidu. Häliqara programmilar märkizi Taşqi işlar ministrligi bilän birliktä oquş üçün tävsiyä qilinidiğan aliy oquş orunliriniŋ tizimini qisqartişni niyät qilivatidu: uniŋda yetäkçi 100 aliy  oquş orniniŋ yaki berilgän mutähässislik boyiçä äŋ yahşi 10 aliy oquş orniniŋ  qatariğa kiridiğan oquş orunlirila qalidu.

Stajirovkilar programmisi «100 eniq qädäm» Millät planida bälgülängän yšnilişlärgä qayta nişan qilinidu, Split-PhD layihisi  dairisidiki tätqiqat programmilirini küçäytiş mähsitidä stipendiatlar elimizniŋ vä çät ällärniŋ aliy oquş orunlirida moşu jilniŋ sentyabr' eyidin tartipla tätqiqat işlirini jürgüzäläydu.

Kelär jildin tartip qisqartilğan «aliy oquş orniniŋ uçumkari» kategoriyasiniŋ orniğa başqa, «magistraturiğa injener-tehnikiliq hadim» kategoriyasi kirgüzülidu. Mundaq yeŋiliq injener-tehnikiliq ihtidarni aşuruşqa hizmät qilidu.

Andin keyin duniyaniŋ yetäkçi 10 biznes-mäktivigä šzliri çüşkänlär üçün MVA programmisi boyiçä magistraturida oquş, şundaqla dšlät vä hususiy täşkilatlarniŋ baş rähbärliri üçün  Executive Education programmilir  boyiçä stajirovkidin štüş kvotiliri җariy qilinidu.

Äslitip štümizki, «Bolaşaq» programmisi ämälgä aşuruluvatqandin buyan 11352 stipendiya berilip, 8341 adäm tamamlidi. Һazir duniyaniŋ 30 mämlikitidä 1793 stipendiat bilim elivatidu.

Ğani Nığımetov programminiŋ paydisi toğriliq soalğa җavap berip, Davostiki Duniyaviy ihtisadiy forum bärgän insan kapitalini täräqqiy ätküzüş indeksi boyiçä Qazaqstanniŋ hazir 37-orunni egilävatqanliğini vä buniŋda, sšzsiz, «Bolaşaq» programmisi uçumkarliri hässisiniŋ bar ekänligini täkitlidi.

—  Pensiya tšläş boyiçä dšlät märkiziniŋ mälumatliriğa qariğanda, «Bolaşaq» programmisi uçumkariniŋ ottura ayliq iş häqqi 414 miŋ täŋgini täşkil qilidu vä bu yahşi kšrsätküç, —  däp hesaplaydu Ğani Nığımetov. — Programma uçumkari päqät seliqlar hesaviğila 10-15 jilda dšlät uni oqutuşqa särip qilğan ahçini qayturidu.

Javap qalduruŋ