U kiçigidinla yollarğa qiziqatti

0
555 ret oqıldı

Uyğurlarda «Şardinov salğan yol» degän ibarä bar. Bu ibariniŋ ikki mänasi moҗut. Birinçidin, häliq uniŋ җämiyätlik paaliyitini kšz aldida tutidu. Ähmätҗan Bäkrim oğli kšp jillar җumhuriyätlik Uyğur etnomädäniyät märkizigä rähbärlik qildi. İkkinçidin, u häqiqiy mänasida yol yasiğuçi. Almuta şähiridiki zamaniviy ülgidä selinğan kšrüklär äynä şu Ähmätҗan Şardinovniŋ rähbärligidiki çoŋ işläpçiqiriş orniniŋ mähsulatliri. Bügünki kündä Almuta şähärlik mäslihätniŋ deputati Ähmätҗan Bäkrim oğli şähärniŋ iҗtimaiy-ihtisadiy täräqqiyatiğa šziniŋ salmaqliq hässisini qoşup kälmäktä.

U bäş yeşida bağçidin ruhsätsiz çiqip ketip, «Moşu yol nägä apiridekin?» däp tšrt çaqirim maŋğan ekän. Şundaq qilip, u yol nägä apardi?

Ähmätҗan Bäkrim oğli 1947-jili Yarkänt şähiridä tuğulup, uniŋ baliliği kindik qeni tškülgän moşu jutta štti. Umu, täŋtuşliri ohşaş, bağçiğa bardi. Bir küni apisi uni bağçiğa apirip qoyup ketivedi, ariliqtin kšp vaqit štmäyla ularniŋ šyigä «Ähmätҗan yoq» degän hävär kelidu. Uni izdäşkä bağçä hadimliri vä birnäççä ata-ana җälip qilinidu. İzdäştürüş nätiҗä bärmäydu. Bir vaqitta bağçiğa uni natonuş ayal yetiläp kirip kelidu. Keyin mälum boluşiçä, u bağçä yenidiki su aqidiğan eriqni yaqilap, şu çiqqan yoli bilän uttur maŋğan. Tšrt çaqirimdäk meŋip herip qalğandin keyin, uni bir ayal kšrüp qelip, qaytidin bağçiğa äkelip qoyidu.

— Demäk, siz «şoh bala» bolğanğa ohşaysiz, — soridim Ähmätҗan Bäkrim oğlidin.

— (Külüp) Nemişkidu, kiçigimdä ätrapqa, yollarğa qarap piyadä maŋğanni yaqturattim. Äşuniŋ arqiliq šzämgä hšzür beğişlattim. Bu qiliğimni «şohluq» däp eytalmaymän. Baliliğimda birinçi qetim şundaq boldi. Mana şuniŋdin keyin apamniŋ bir eğiz gepini aŋlap, mundaq qiliqlarni qilmaydiğan boldum. Ägär «şoh bala» bolsam, yänä qaytiliğan bolar edim, däp oylaymän.

Ähmätҗan Bäkrim oğliniŋ anisi — hayatini maarip sahasiğa beğişliğan ustaz Ayimbüvi Hizmätova yoldişi Bäkrim ikkisi baliliriniŋ oqup bilim elişiğa barliq şaraitni yaratti. Oğullarniŋ arisida Ähmätҗan mäktäptä matematika päni bilän rus tilini sšyüp oqattekän.

— Һelimu yadimda, 1-sinipqa barğan künniŋ ätisila apam meni däristin keyin şähärdiki kitaphaniğa apardi, — däp sšzini davam qildi sšhbätdişim. – Kitaphanilardiki kitapniŋ puriğini moşu kämgiçä untuğinim yoq. Anam rämiti ustaz bolğaçqimu, «mäktäp — ikkinçi, kitaphana üçinçi šyüŋ» degän edi. «Bähtiŋni mana moşu yärdin tapisän» däydiğan anam. Mäzkür kitaphanidin kšpligän ädäbiy kitaplarni elip oqudum. Piyadä maŋğanni yaqturidiğanliğimni yahşi bilidiğan ata-anam «Öy — mäktäp — kitaphana — šy» marşrutini sizip bärdi. Bu yol meni mäktäptin keyin Almutidiki politehnikumğa, andin Öskämändiki avtomobil' yolliri instituğa elip bardi.

Bähtişat SOPİEV.

Bälüşüş

Javap qalduruŋ