HHҖğa säpär: yahşi nätiҗilär

0
590 ret oqıldı

Qazaqstan Prezidenti Nursultan Nazarbaevniŋ HHҖğa bolğan säpiri ikki dšlät arisidiki munasivätlär täräqqiyatiniŋ yeŋi basquçiniŋ beşi boldi.

Dšlät rähbiriniŋ säpiri davamida kšpligän muzakirilär jürgüzüldi. Ularniŋ arisida barliq sahalardiki ikkitäräplimä hämkarliqniŋ, şundaqla kšptäräplimä şäkildiki šzara härikätniŋ aktual mäsililiri muhakimä qilindi. Häliqara vä region miqiyasida kün tärtividä turuvatqan mäsililär ätrapida pikir almaşturuldi.Säpär nätiҗisidä ottuzdin oşuq hšҗҗätkä qol qoyuldi. Şularniŋ içidä — Qazaqstan Җumhuriyiti vä HHҖ rähbärliriniŋ härtäräplimä strategiyalik şeriklikniŋ yeŋi basquçi toğriliq Birläşkän deklaratsiyasi, ikki dšlät hškümätliri arisidiki industriyaläştürüş, investitsiya, mädäniy-gumanitar sahaliridiki hämkarliq boyiçä kelişimlär. İmzalanğan kelişimlärniŋ nurğuni kommertsiyalik harakterğa egä.

Qazaqstan Prezidentiniŋ HHҖğa bolğan säpirini basquçluq däp eytişqa bolidu — dedi Qazaqstanniŋ HHҖdiki Pävquladdä vä Toluq hoquqluq älçisi Şahrat Nurışev. — İlgiri Qazaqstan-Hitay ihtisadiy sahadiki hämkarliği asasän bizniŋ ham äşiyani Hitay baziriğa yätküzüştä täräqqiy ätkän. Ändi yeŋi basquç başlanmaqta. Bu yärdä biz Qazaqstan territoriyasidä yeŋi sanaät orunlirini eçiş toğriliq eytalaymiz. Bu, šz novitidä, yeŋi iş orunliriniŋ päyda boluşini, byudjet kiriminiŋ kšpiyişini täminläydu.

Şuniŋ bilän billä, älçi täkitliginidäk, imzalanğan kelişimlärgä muvapiq Qazaqstanda ämälgä aşurulidiğan birläşkän layihilär dšlitimizniŋ ehtiyaҗidin çiqişi keräk, innovatsiyalik vä ekologiyalik täläplärgä muvapiq boluşi lazim.

Säpär dairisidä imzalanğan ayrim kelişimlärdä Astanada EKSPO-2017 kšrgäzmisini štküzüş mäsililirimu šz äksini tapqan. Mäsilän, bu yärdä kšrgäzminiŋ turistik ihtidarini toluq ämälgä aşuruş mähsät qilinidu.

Demäk, Hitaydiki bizniŋ älçihanimizniŋ iş kšlämi kšpiyidu. Bizniŋ dšlätlirimizniŋ rähbärliri imzaliğan kelişimlär Qazaqstan ihtisadi vä HHҖ bilän bizniŋ säyasiy munasivätlirimizniŋ täräqqiy etişigä qaritilğan.

Mälumki, Dšlät rähbiri šz säpiri davamida Pekinda štkän, ikkinçi duniya uruşida qazanğan Ğalibiyätniŋ 70 jilliğiğa beğişlanğan çarä-tädbirlärgä qatnaşti. Moşu sänägä beğişlanğan paradqa Qazaqstan Җumhuriyiti Mudapiä ministrliginiŋ hšrmätlik qaravul rotisiniŋ härbiyliri iştrak qildi. Şundaqla paradni kšrüşkä ikki qazaqstanliq veteran — Qazis Juldıbaev vä Oleg Linnig täklip qilinğan edi. İkki aqsaqal 40-jilliri Hitay territoriyasidä härbiy hizmitini štigän ekän vä bu kündä Hitayni ziyarät qiliş mümkinçiligigä egä boluvatidu.

Män 1943 — 45-jillar ariliğida Manҗuriyadä hizmät qilğan edim. Şuniŋdin beri bu dšlätkä kälmigän. Mana bügün Hitayni ziyarät qiliş, paradni kšrüş bähtigä muyässär boluvatimän, — dedi Q.Juldıbaev. — Qazaqstan vä Hitay bir-biri bilän dost dšlätlär. Män HHҖ hälqigä paravänlik vä teçliq tiläymän.

O.Linnig ikkinçi duniya uruşi jilliri Hitay frontida bolmiğan ekän. Biraq ğalibiyättin keyin moşu dšlättä hizmät qilğan.

— Meni Hitay ihtisadiniŋ täräqqiyati häyran qaldurdi. Män uruşni kšrgän adäm. Şuŋlaşqa duniyada teçliq bolsun däp tiläymän, — däp täkitlidi veteran.

Bälüşüş

Javap qalduruŋ